Electric meter box endikah
dan loa pawtru hmuchhuak
Power & Electricity department-in electric connection endik runpui a neih mekah dan loa pawtru an hmuchhuak nual tih an sawi.
P&E department hian mipui hriat turin tum hnih thuchhuah siamin June 9 atangin state huapin electric connection endik runpui a nei dawn a, consumer-ten electric an hman danah felhlel a awm a nih chuan lo insiamtha turin a ngen lawk a ni.
Thudawn danin, department-in ngenna a siam lawk chung hian meter box kaltlang lo, power lak man chawi loa pawt ru engemawzat an hmuhchhuah bakah power an neih reng theihna atana hmun dang ami pawtkawp an hmuchhuak nual tih an sawi.
Hetianga pawtrutute hian an electric current hman man an chawi tlem phah laiin, department-a an hman man an chhunluh a tlem phah a, chutiang bawkin department-in power hman tur an pekchhuah zatah harsatna a siam na a, a pawtrutu hi zawnchhuah zel an tum tih an sawi a ni.
June 9 atangin endik hna hi kalpui tan a ni a, dan loa pawt ru hi an la man belh zel an ring tih P&E department hotute chuan sawiin, consumer-ten electric an hman danah felhlel a awm a nih chuan lo insiamtha turin a ngen nawn a ni.
Electric meter box endikah dan loa pawtru hmuchhuak
