Country star Ella Langley hla hit “Choosin’ Texas” chu Billboard Hot 100 (US singles) chart-ah a No.1 a, he chart-a kar ruk a No.1-na niin, hmeichhe zaithiam zinga country hla chauh record thin zinga he chart-a hla pakhat nih rei pui thei ber a ni a, Hot Country Songs chart leh Hot 100 chart-a hla No.1 ni kawp pui rei thei ber a ni bawk.
Billboard Hot 100 chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni.
Ella Langley “Choosin’ Texas” hian kar khat chhungin official stream maktaduai 26.6, radio airplay ngaithlatu maktaduai 42.4 leh sales 9,000 a la nei thei a, hei hi a kar ruk nan chart-ah a No.1 pui leh ta a ni.
Ella Langley hla dang ‘Be Her’-in stream maktaduai 14.8, radio airplay ngaithlatu maktaduai 17.3 leh sales 2,000 nei lehin, No.12 atangin No.8-ah a invawrh, tunkar chart top 10-ah hla pahnih neiin, heng hla pahnih te hi a album pahnihna ‘Dandelion’ atanga a single ve ve an ni. Ella Langley hi country hla chau record thin hmeichhe zaithiam zingah tum khat a chart top 10-a hla pahnih nei thei hmasa ber leh awm chhun a la ni bawk.
Olivia Dean “Man I Need” chu No.2-ah bawk awm lehin a hla dang “So Easy (To Fall in Love)” pawh No.6-ah bawk a la awm a. Tihian Hot 100 chart history-ah hmeichhe zaithiam pahnihin an hla top 10-a kai hmasa ber leh a dawttu chart top 10-a tum khata an lanpui ve ve vawi khatna a la ni.
Chart No.1 hlui Bruno Mars “I Just Might” chu No.4 atangin No.3 a kai thar le a, chart No.1 hlui bawk Alex Warren “Ordinary” chu No.5 atangin No.4-ah a insawn leh hret a, chart No.1 hlui bawk BTS ‘ARIRANG’ chu No.2 atangin No.5-ah a tawlh a, chart No.1 hlui bawk HUNTR/X “Golden” chu No.7-ah bawk a la awm.
PinkPantheress leh Zara Larsson ‘Stateside” chu No.8 atangn No.9-ah a insawn a, Kehlanu “Folded” chu No.10-ah bawk a la awm.
Ella Langley “Choosin’ Texas” a la Hot ber
