Elon Musk leh Iran UN ambassador inkawm
Tech billionaire Elon Musk chuan Iran UN ambassador nen inhmuin, Iran leh US inkara buaina thleng thei hmeh mih leh nghet zawka kal dan tur an sawi niin report chuan a tarlang.
New York-a hmun thup takah Musk leh ambassador Amir Saeid Iravheld te hi an inkawm nia sawi niin, Iran official te chuan inbiakna duhawm leh rah tha chhuah tur a nih thu an sawi a, ram pahnihin buaina a neih theih turte tihziaawm phah a nih ngei an beisei thu an sawi.
Elon Musk hian Trump-a sorkar thar din turah dinhmun pawimawh tak a chelh dawn a, sorkar efficiency agency thar co-director atan ruat a ni. Russia leh Ukraine buainaah pawh Ukraine lam pui turin inbiakpawhna lama theihtawp chhuahpui turin Musk hian dinhmun pawimawh tak a chelh dawn bawk.
Tuna Iran UN ambassador nena an inbiakna pawh hi middle-east lama buaina thleng chho zel venna tur pakhat atana inbiakna a nih rin a ni a, Iran hi an oil lakluhna hnar pakhat a nih avangin be chhe chuang si lova inbiakna tha zawk neihpui an tum chho dawn nia a lan thu report thenkhat chuan an tarlang bawk a ni.
Elon Musk leh Iran UN ambassador inkawm
