Eminem music video ‘Mockingbird’ chuan YouTube-ah vawi tluklehdingawn en a hlawh ve leh ta a, Billion View Club-a tel thei music video paruk a neihna a ni.
2004-a Encore single ‘Mockingbird’ hi a solo video-ah chuan YouTube-a vawi tluklehdingawn en hlawh theih pangana niin, Akon nena an thawh dunna, aman a produce ni bawk ‘Smack That’ nen YouTube-a vawi tluklehdingawn en hlawh thei video paruk a nei tling tawh a ni.
‘Mockingbird’ video hi John Quigley direct niin, a video-ah hian Eminem hian a fanu, chutih laia kum 9 mi, Hailie Mathers leh a fanu (adopted) Alaina te naupan lai home video en a hnuk a ulh deuh teuh lai leh a fanute hnena thu a sawi lai te pawh a lang.
Eminem sawi takah cuan nimin lawkah kum 16 chhung ruihhlo khawih lovin, hrahfim nun a hman lawmna Instagram-ah te a post a, tunah chuan a album thar tur chu ‘The Death Of Slim Shady (Coup De Grâce)’ a nih thu a puang leh ta a, he album hi kumin nipui chhunga tlangzarh tur a ni.
‘The Death Of Slim Shady’ hi a studio album 11-na tur a ni a, 2020-a a album ‘Music to Be Murdered By’ hnua a album tlangzarh leh hmasak ber tur a ni a, kha album kha Billboard 200 chart No.1-ah a debut a, Eminem album he chart-a No.1 kai thei 10-na a ni.
Eminem ‘Mockingbird’-in 1B view a kai
