Eminem music video ‘When I’m Gone’ leh Toto music video ‘Africa’ te chuan YouTube-ah vawi tluklehdingawn en hlawhin, music video tana mellung pawimawh an thleng ve leh ta.
‘When I’m Gone’ hi Eminem album ‘Curtain Call: The Hits’ compilation project atanga a lead single a ni a, a video hi 2005-a a tihchhuah tawh kha niin, a hla hi a tlangzarh hlimah Billboard Hot 100 chart-ah No.8 kai. A video-ah hian boxer Tarick Salmaci a inlan a, Eminem fanu Hailie leh a nupui hlui Kim te lem changin actress an inlan bawk.
Eminem hian YouTube-a vawi tluklehdingawn en hlawh thei music video pasarih a nei tling ta a, solo angin a parukna a ni. A video dang “Mockingbird,” “Love the Way You Lie,” “Without Me,” “Not Afraid,” “Rap God” leh Akon a thawhpuina “Smack That” ten YouTube-ah vawi tluklehdingawn en an lo hlawh tawh bawk a ni.
Toto ‘Africa’ hla hi 1982-a tlangzarh tawh kha niin, a vanglaiin chart No.1 te pawh a lo kai zak zak taw a, Toto hla Billboard Hot 100-a No.1 kai thei awm chhun niin, chart top 10-a lang thei hla pali a nei taw bawk. He band tan hian ‘Africa’ hi YouTube-a an music video vawi tluklehdingawn en hlawh thei hmasa ber a ni.
Toto IV single hi 1982-a an tihchhuah kha niin, 1991-a RIAA gold certification a kai a, 2000-ah Internet meme niin, Weezer-in a hla an cover chuan a tilar thar leh a, 2018 khan Billboard Hot 100-ah No.51 te a kai ve leh zak zak a, 2022 khan RIAA 8x Platinum certification a dawng tawh nghe nghe a ni.
Eminem ‘When I’m Gone’ leh Toto ‘Africa’ te 1B view club-ah
