2024 Oscar-a best actress dawngtu Emma Stone thawmhnaw hak a tawt deuh nge ni dawn, stage-ah award a dawn laiin a kawr hnunglam a peh deuh tlat.
Poor Things changtunu hian Louis Vuitton kawrfual nalh zet mai ha a, mahse, Dolby Theatre-a best actress award dawnga stage-a a awm laiin a kawr hnunglam a inphelh deuh thut. Emma chuan, “Awh khaih. Ka kawr a tet a niang,” a ti a, mahse, a talbuai phah eih loh, a hma lawka Ryan Gosling-a’n “I’m Just Ken” hla a perform laiin a lo lam nasa deuh a niang tiin a sawi mam zui nghal jeih!
Emma hian a award dawn lawmthu sawiinah Poor Things-a a chanpui te leh director Yorgos Lanthimos te lam chhuakin, a chhungkhat laina hnai te pawh a lam chhuak a, “Ka chhungte chungah lawmthu ka sawi e. Ka nu, ka unaupa Spencer, ka pa, ka pasal, Dave, ka hmangaih che, chuan, a pawimawh ber, ka fanu, nithum hnuah kum thum a tling tawh mai dawn a, ka nun timawitu a ni. Ka fanu, van boruak zau tak ai pawhin ka hmangaihna che hi a zau zawk,” a ti a, a lawmthu sawi khar nan, “Ka kawr hnunglam lo en miah su,” a ti bawk.
Emma Stone, kum 35, hian 2016 khan ‘La La Land’ avangin Best Actress award hi a lo dawng tawh bawk.
Emma Stone wardrobe malfunction
