Television lama chawimawina sang Emmy Awards 2026 chu an rama Thawhtanni zan, keini tana nimin tuk khan Peacock Theater, Los Angeles-ah an sem ta a, award semna show hi Law & Order: SUV star Mariska Hargitay-i’n a host a, TV star rual an puangkhawm.
Award semna show-a an tihlan chinah Jean Smart chuan Outstanding Lead Actress in a Comedy dawngin, ani hi Hacks changtunu a ni a, an series season zawng zawngah he award hi a la dawng vek a, hetiang tithei awm chhun a la ni.
Show thar ‘Widow’s Bay’ boruak a lian hle a, award ngaihhlut Outstanding Comedy Series a dawn bakah Comedy Series-ah Lerad Actor leh Supporting Actor a dawng tel bawk. ‘Widow’s Bay’ changtupa Matthew Rhys hian Comedy Series-ah Lead Actor a dawn bakah ‘The Beat in Me’ a channa avangin Outstanding Lead Actor in a Limited or Antholohy Series or Movies a dawng tel bawk a, heng category-a tum khata award dawng kawp thei hmasa ber a ni.
Shailene Woodley chuan Paradise season two avangin Guest Actress in a Drama Series a dawng a, Emmy Award a dawng vawi khatna a ni a, Rob Reiner chuan thla 9 kalta a vanduaithlak taka chatuan ram a pan hnuah The Bear avangin Outstanding Guest Actor in a Comedy Series a dawng bawk.
DTF St. Louis changtute David Harbour leh Linda Cardellini te pawhin Limited or Anthology Series or Movie-ah Outstanding Supporting Actor leh Actress an dawng a, Emmy Award an dawng vawi khatna ve ve a ni ve bawk.
Emmy Awards 2026 an sem ta
