EMRS Tlangnuam sak mek endik
Eklavya Model Residential School (EMRS) Tlangnuam-a sak mek chu Mizoram State Project Monitoring Committee (MSPMC) chuan an vice chairman RL Rinawma kaihhruaiin endik a ni a. Academic building leh office, girls hostel, boys hostel, kitchen cum dinning hall, staff quarters block pathum leh non-teaching staff ouarters a huam a ni.
Heng building hi zawhfel vek la ni lo mah se, 2024- 2025 academic year-ah hian class VI leh VII ah admission la in, sawrkar laipuia EMRS Society thu angin zirna hi tan a ni. Heng bulding endikah hian thawmthat ngai leh hna hmabak chhunzawm ngai engeemawzat hmuh a ni a. A hmunah pre-visit leh post visit discussion neiin, Mizoram EMRS Society joint CEO Ruth Vanlalmalsawmi leh contractor-te nen an thukhawm nghal a ni.
He hna hi cheng vaibelchhe 23 chuang senga sak a ni a. Tunah hian zaa 97 vel zawh tawh a ni a. Hna zawng zawng hi kumin December chhunga zawh vek tum a ni.
EMRS Tlangnuam sak mek endik
