February 13 khan Excise & Narcotics Department leh Mizoram Police chuan a hran ve ve in Aizawlah heroin an man.
Excise & Narcotics department hian Thawhlehni zing dar 4.30 khan Khatla Tennis Court bulah heroin kg 3 & gram 642 (hawng 300) leh a neitua puh mi pathum – Nangzagina (50) leh Roluahpuia (53), Ngur khua Champhai district ve ve leh Faizur Rahman Barbhuiya (39) Bagha Bazar Assam nia inchhalte an man a. Heroin phurhna atana hman TATA 207 MZ04 A-1428 pawh hrensak an ni.
Heroin hi Myanmar atanga lak, state danga hralh tura phurh kual mek a ni a. He thila mante hi court-in thiamloh a chantir chuan jail-ah kum 10 atanga 20 thleng tang thei leh sumfai cheng nuai 1-2 thleng chawitira hrem theih an ni.
Thawhlehni vek khan Mizoram Police Special Narcotics PS staff leh Assam Rifles tangdun chuan Durtlang Leitanah heroin gram 61.930 an man a, a kawltu nia sawi Alfred Lalrinzuala (32), Sihphir Venghlun leh Lalhriatpui (32), Ramhlun North nia inchhalte pawh man niin, thubuai siamsak an ni.
END leh Police-in heroin man
