Eng pawh hmachhawn turin kan sipaite an inpeih – India Army chief
Army Chief Gen Upendra Dwivedi chuan India hmar lam ramri chu ngaihven reng ngai a la ni a; mahse, eng harsatna mah a awm lo tih a sawi a. Eng thil pawh thleng sela sipaite chu a hmachhawn turin an inpeih reng tih Nilaini khan a sawi bawk.
77th Army Day lawmnaah thu a sawi a, hetah hian Line of Control (LoC)-ah inkahhai puan reng a la ni a, heti chung hian ‘ramri kâna a ruka luh tum’ erawh an la awm reng tih a sawi.
Hmar lam ramri chungchang saiwiin, “Kan sipaite hi an inpeih reng a, eng pawh hmachhawn turin an inring a ni,” tiin Army chief hian a sawi.
Hmar lam ramri hi tun lai thiamnaa siam hmanrua nen thuam zel a ngai a, inchhawp that zel a tum niin a sawi bawk.
“Indian Army hi tihchangkang, daihzai, insiam rem thiam leh tun lai thiamna hmang thei sipaia chhuah zel kan tum a ni,” tiin a sawi.
Army chief hian Pune-a 77th Army Day Parade-ah hian sipai parade a en a. Pune-a Army Day lawm hian helai bial khawsak phung pho lan a ni tih a sawi.
Tun tum hi Pune-a lawm hmasak ber tum a ni a. Army Day Parade (ADP) hi Bombay Engineers Group (BEG) leh sorkar laipui huaihawtin Southern Command-ah neih a ni bawk.
Eng pawh hmachhawn turin kan sipaite an inpeih – India Army chief
