September ni 9, Thawhlehni zana World Cup 2026 khel tur zawnaah England in awlsam takin hnehna an chang a, mikhual an nihna hmunah 5-0 in mualneitu Serbia an sawp. England an chak rual lian France pawhin hnehna an chang ve bawk.
Group K-a hmahruai mektu England hi an hnuai chiaha awm Serbia hmachhawn turin Rajko Mitic Stadium-ah an leng lut. Mikhual an nihna hmunah an tlawm a nih chuan an hmahruaina derthawng ve thei a nih vangin chak ngei tumin tan an khawh. Serbia lakah beisei phak bakin an khel tha a, goal nga ngawt thunin point thum an hmu a, an hmahruaina an tizau leh zual.
Inkhel hmuhnawm takah goal lut a awm thei lawk loh hnuin Harry Kane chuan minute 33-naah hmahruaina goal a thun. Harry Kane goal thun hi team hnihte laka daidanna bang theutu pawimawh tak a ni a, he goal hian game a sawi danglam dawrh a tih theih. Kane goal thun atanga minute hnih hnu lekah Arsenal forward Noni Madueke chuan England goal hnihna a thun zui leh zat a. Si hnih faia hmahruai chungin Three Lions in chawlhlawk an hmang.
Chawlhlawk hnu lamah England an khel tha chhunzawm a, goal pawh an thun belh thuai. Minute 52-naah Ezri Konsa chuan an goal thumna a thun a, an hmahruaina a tizau. An mikhual lakah si thum fai ngawta an hnufual hnuin Serbia an vanduai zui leh a, Nikola Milenkovic chu minute 72-naah hnawhchhuah a ni. Tam zawk an nih atanga minute thum hnu leka defender Marc Guéhi chuan an goal lina a thun a. Minute 90-naah Marcus Rashford chuan penalty atangin an goal ngana a thun zui leh cheu a, Serbia lakah 5-0 ngawtin hnehna an chang zui ta a ni.
Group K-a inkhel dangah Albania chuan an mikhual Latvia chu minute 25-naa Kristjan Asllani penalty pet goal hmangin an hneh a, point thum hlu tak an hmu. Group K-ah hian khelh nga khela la chak veng England in point 15 hmuin hma an hru
England an chak awlsam
