Europe khawmual atanga World Cup 2026 khel tur zawnnaa inkhel tur turte siam fel a ni ta a, England chuan team lian an pehhel a, team lian lo zawk an hmachhawn thei dawn.
Zirtawpni khan World Cup khel tur zawnnaa intum turte pawh fel a ni a, football ram ropui England chu group K-ah an awm a. An hneh theih ngei tura ngaih Serbia, Albania, Latvia leh Andorra te nen group khatah an awm tlang. Group-a an awmpuite ngaihtuahin England tan hian World Cup 2026 khel thei turin harsatna lian hmachhawn tur a awm hmel loh. Group K-a an awmpuite ngaihtuahin England hian World Cup 2026 an khel phak tura ngaih a ni a, an khel phak ta lo a nih chuan an tan mualphona lian tak a nih ngei a rinawm.
Europe khawmual atanga World Cup 2026 khel tur zawnnaah hian tute nge inkhel dawn tih a la chiang hleithei rih lo. Team lian tak takte UEFA Nations League lamah an la inhmachhawn dawn a, an chak leh chak loh dan a zirin an awmna group tur a la danglam thei dawn. Portugal leh Denmark te inkhela chak lo zawk zawk group C-ah an awm ang a. Germany leh Italy te inkhela chak zawk zawk group A-ah an awm ve thung ang. Chutiang bwkin France leh Croatia te inkhela chak zawk zawk Group D-ah an awm ang a. Spain leh Netherlands te inkhela chak zawk zawk Group G-ah an awm ang a. France leh Croatia te inkhela chak lo zawk zawkin Group L an luah ve thung ang.
Europe World Cup qualifiers:
Group A: Germany/Italy (winner), Slovakia, NORTHERN IRELAND, Luxembourg.
Group B: Switzerland, Sweden, Slovenia, Kosovo.
Group C: Portugal/Denmark (loser), Greece, SCOTLAND, Belarus.
Group D: France/Croatia (winner), Ukraine, Iceland, Azerbaijan.
Group E: Spain/Netherlands (winner), Turkey, Georgia, Bulgaria.
Group F: Portugal/Denmark (winner), Hungary, Republic of Ireland, Armenia.
Group G: Spain/Netherlands (loser), Poland, Finland, Lithuania, Malta.
Group H: Austria, Romania, Bosnia-Herzegovina, Cyprus, San Marino.
Group I: Germany/Italy (loser), Norway, Israel, Estonia, Moldova.
Group J: Belgium, WALES, North Macedonia, Kazakhstan, Liechtenstein.
Group K: ENGLAND, Serbia, Albania, Latvia, Andorra.
Group L: France/Croatia (loser), Czech Republic, Montenegro, Faroe Islands, Gibraltar.
World Cup 2026 hi 11 June 2026 khian Mexico City ah khelh tan a ni ang a, 19 July ah New Jersey-ah final khelh a ni thung ang. World Cup 2026 ah hian a vawi khat nan team 48 an inel ang.
England awmna a fuh e
