All-rounder Ben Stokes-a khup veilam na thin chu an zai sak ta nge nge a, mahse, kumthar January thla India leilunga England five-match Test series-ah dam hman a inbeisei.
Kum 32 mi hian kumin nipui laia final three Ashes Tests kha khel thei loin, India rama World Cup zawh takah khan a inlan hram a, zai a tawk zui ta a ni.
England Test captain hian November thla tir lam khan India ram tournament zawh ruala inzai a hma-chhawn tur thu a lo sawi-lawk tawh a, inzaina chem-te a hmachhawn hnuah tunhnai khan Instagram kal-tlangin London khaw damdawi in Cromwell Hos-pital kawta a inhawl lai thla-lak a tarchhuak a, caption-ah: “Lut leh chhuak. (knife emoji) Tunah rehab a intan ta” tih a dah tel.
Karliamta mai khan he all-rounder hian a hma-chhawp tam vang leh a fitness tha tawk lo avanga 2024 Indian Premier League a hawi-san a ngaih thu a lo sawichhuak tawh a ni.
2023 IPL-ah pawh khan Stokes hi Chennai Super Kings player man to ber ni bawk mah se hliam avangin game hnih chiah South Indian team tan a khel.
England Test captain khup an zai
