Aizawl North-II bialtu MLA, minister Dr Vanlalthlana chuan a bial chhunga thalai zingah ‘entrepreneurship’ lama tui an awm chuan a tul anga hma lakpui a inhuam tih a sawi.
MLA fund hmanga sak Ramhlun North YMA ‘Chawngbawla Run’ chung sak zawm (vertical extension) chu Ningani khan bialtu MLA, minister Dr Vanlalthlana hian a hawng a. YMA chu mirethei leh hausa thliarhrang loa chhiatni thatnia veng chhung mipui tuamhlawmtu an nih avangin an hlu takzet tih sawiin, tlawmngai pawlte tan mi harsa zawk leh chhuanchhamte dawmkan kawngah ruahmanna mumal leh felfai tak siama ke pen a pawimawh tih a sawi.
A bial chhunga thalaite zingah ‘entrepreneurship’ lama tui an awm chuan a tul anga hma lakpui a inhuam tih Dr Vanlalthlana hian a sawi a. An khawtlanga zirna in pawh ngaihven a, an hmasawnna ngaihtuaha thawh ho puiah tlawmngai pawlte a sawm a ni.
Chawngbawla Run hi Ramhlun North YMA enkawl a ni a. MLA Fund Rs. 8,50,000 senga sak niin, YMA branch sum Rs. 1,23,322 an hman tel bakah vengchhung mi thahnemngaiten hmanrua leh bungraw mamawh thahnem tak an thawh bawk.
Entrepreneurship a tuite puih huam
