wvel puma hman tur World Environment Day (WED) 2024 lawmna chi khat atan nimin zing khan Mizoram Pollution Control Board (MPCB) chuan Aizawlah ‘Mass Rally on Clean Air’ a buatsaih.
MPCB office-a thawkte bakah school leh college eco-club thenkhat atangin zirlai leh zirtirtuten kawng zawh pahin kawng dung leh luikawra bawlhhlawh an chharfai a. Rally-a telte hi chhim lam Sikulpuikawn leh hmar lam Chanmari Kawn atanga chhuak tanin, Vana Pa Hall kawtah an intawk khawm a, a kharna hun hman a ni.
MPCB scientist ‘C’ Dr Lalramnghaki Pachuau chuan kumin WED thupui ‘land restoration, desertification and draught resilience’ chungchang a sawifiah a. Mizoramah pawh ram chhia leh ram bua tam tak a awm tawh a, thenkhat chu khuarel chhiatna avanga awm a nih laiin, a tam zawk chu mihring kutkawih vanga thleng a ni tih a sawi. Kan ram leilung chhe mek siamtha a, a chhe zel tur venga ke pen chu kan zavaia mawhphurhna a ni tih a sawi bawk.
Environment Day pual rally
