US senator hlui Robert F Kennedy nupui Ethel Kennedy chu kum 96 mi niin, ningani khan a boral a, stroke vangin tun thla ni 3 khan damdawiinah dah luh niin, a boral thleng hian a thochhuak leh ta lo a ni.
A tupa Joe Kennedy III chuan a pi thih thu hi sawiin, ‘Stroke vanga hun rei vak lo damdawiina a awm hnuah min kalsan ta,’ tiin a sawi.
Ethel Kennedy hi April 11, 1928 khan Chicago-ah a piang a, Robert F. Kennedy nen kum 1950 an innei. A pasal boral hnu hian human rights lamah nasa taka inhmangin, kawng tam takah a pasal sulhnu a zui a, a hnathawh avang hian kum 2014 khan Presidential Medal of Freedom a dawng a ni.
Kennedy family chuan thuchhuah siamin, ‘An nu, an pi thiltih leh hnathawh zawng zawngte chu hriatreng a ni tawh ang, tunah chuan min thlahtute kiangah a chawl ta,’ an ti.
Ethel Kennedy a her liam ve ta
