A vawi khatna atan EU chuan a sipaite venhimna lamah leh ram ralmuanna lama intih chak tawn nan India-a dah a remti a, hei hian kum 2021-a a lo puan tawh Indo-Pacific thuam chakna kawnga a hmalakna a ni nghal bawk dawn a ni.
He ruahmanna hi a pawimawh em em a, kum-2 kal taa EU-in Indo-Pacific te inkara politics leh ram venhimna thil-ah helai ram vela sipai dah a lo tum tawh tih hlawhtlinna a nih mai bakah EU-in dinhmun pawimawh tak a chelhna hmanrua a ni dawn a ni.
EU hian tun dinhmunah ram 12 velah chauh a sipai te hi a dah a ni. EU ambassador to India thar Herve Delphin-in Times of India a hrilh danin EU aiawha lo kal tur te chu thla thar maiah ruat fel an nih tur thu a sawi a ni.
“He hmalakna hi EU leh India te inkara venhimna lam chungchanga thawh dunna tih ngheh lehzual na tur a ni. Tuipui leh Cyber chung changa venhimna lam chauh kan sawiho thin a, a ruk a rala che te beih let dan tur pawh kan nei leh vat ang.
Kum 2 kalta ah khan khawiah nge kan awm, tunah khawiiah nge kan awm, hmasawnna kan siam te hi a lian tham em em a ni” tiin Delphin chuan a sawi a ni.
India tan chuan Europe ram chu Asia ramte pawhin an puhmawh nasat em em lai pawhin dan tlawhchhanin ngawi reng a ni tiin puh a ni fo a, hei vang hian EU chuan a sipaite Indo-Pacific venhim nan leh ralmuan nana dah a tum hi hun rei tawh tak atanga thlir leh nghah reng a lo ni tawh a ni.
India leh Russia policy ten nikum mai atang khan inan lohna nei deuh mahse India Foreign Minister S Jaishankar chuan Europe ram rilru put hmang te chu tithang lian tur leh “Europe harsatna chu khawvel harsatna a ni a mahse khawvel harsatna chu Europe harsatna a ni ve lemlo” tih a sawi a ni.
Delphin chuan China chungchanga a ngaihdan te sawiin EU leh China te chuan ram ei leh bar leh mamawhna kawng hrang hrangah inlaichinna tha tak kan neia mahse heng kan inhawnna te hi tihchhiat kan phal dawnlo a ni.
“Helai ram vela kan insumdawn tawnna leh FDI ah te hian Indo-Pacific inlaichinna nghet a awmin a thang chho mek zel a. International laws leh UNCLOS te zah an ni a, he inlaichinna tichhe thei reng reng chu engpawhnise kan dang ang. Engemaw kawng zawngin inel mah ila China nen hian economic thilah kan thawkho tha em em a ni.
Economic lama kan inhawn tawnna te hi tihchhiat kan phallovin international laws pawh ngaihthah kan duhlo a ni” tiin ambassador Delphin chuan a office thar luah veleh a sawi a ni. Delphin chuan EU chu economic power atchilh ringawt a nilo tih a sawi bawk a. “Mipui te hian Russia leh Ukraine buaina chungchang-a EU chet dan an hre vek a ni. Ralthuama Ukraine tanpui nan EU chuan nasa takin a sum a tiche a, khawvel ram ralmuan nan nasa takin sum leh tha EU chuan a thawh a ni. European lawng sipai te venhimna hnuaiah India leh EU te chuan thawhhona tha tak neiin Coordinated Maritime Presence (CMP) kan din a ni” tiin a sawi a, venhimna lama thawkho nasa lehzual turin India leh EU te chuan inremsiamna an nei mek zel a ni, a ti bawk.
EU-in India-ah sipai dah dawn
