I ngaihzawng bulah i ex chungchang sawi chu a tih a tih chi hauh loh a ni. I ngaihzawng bulah i ex chungchang i sawi a, i ngaihzawng chu a ngawi reng em? A ngawih reng loh nakah, a huat zawng tak i sawi miau alawm. Mipa te hian an ngaihzawng te ‘ex’ chungchang hi an ngaithla tui lo. Chu chu mipa zawng zawngah a dik a, mipa zawng zawng an inanna pakhat a ni.
In pahnih inkarah boruak a tha viau a, in inhmangaih em em a nih pawhin, i bialpa chuan i ex chungchang kher chu a ngaithla peih hauh lova, i ex chu i biak that deuh phei chuan, a chhan pawh i hriat si lohin thinrimna tur a zawng ngei ang.
I ex nen in inkar boruak a tha viau a nih chuan mi vannei tak i ni a, i ngaihzawng leh i ex chu an inbe tha thei a nih phei chuan i vannei lehzual tihna a ni. Mahse, chutiang boruak pawh chu nei mah ula i ex nena i hun lo hman tawh dan te chu a ngaithla tui chuang miah lo. I ex chu i biak that reng a, a chanchin i sawi deuh fo chuan, mipa chuan i ex nen i tehkhin angah a ngai thuai dawn a, a tawp dan chu a duhawm vak lovang. Chuvangin fimkhur ang che.
I ngaihzawng chui i ex hmanga a thikthu pawhchhuah i tum a nih ngat phei chuan a chhe ber pawh thleng turin inpuahchah lawk ang che. Mipa chu tih thinrim i tum phawt chuan a harsa lo, mahse, a sawhkhawk pawh i dawn ngam a ngai ang. In thik tir tum vel ai chuan a bula hlim taka awm kha a fuh daih zawk a nia.
I ngaihzawng nen in inkar boruak a fuh vak lova, chutiang hunah chuan i ex-in in inkar boruak siamthat sak a tum che a nih phei chuan, engti kawngmaha duh tur a ni lo. Harsatna i neiha tanpui che a tum a nih pawhin “aih” tiin kalsan rawh. A chhan chu i ngaihzawng khan thik namen loin a thik dawn a nia.
Ex-te biak that loh tur!
