Prime minister Narendra Modi hoin Thawhtanni khan Pariksha Pe Charcha vawi 7-na New Delhi-ah neih a ni a. Aizawlah pawh Govt Mizo High School Hall-ah inbiak hmuh theihna hmangin larsap Dr Hari Babu Kambhampati hoin an lo chhim. He program-ah hian ram pumah zirlai, nu leh pa leh zirtirtu vaibelchhe hnih vel an tel/chhim nia chhut a ni.
Larsap chuan Pariksha Pe Charcha program chu zirlai tam takin exam an huphurh avanga rilru lama harsatna an neih thin tih ziawm a nih theih nana Prime minister hmalakna a ni, tiin, zirlai tam takin exam hmachhawn huphurhna avanga harsatna an tawk chu a vei em avangin zirlaite kawng kawhhmuhna atan lehkhabu “Exam Warriors” tih a ziah thu a sawi a ni.
“Zirlaite rilru hriselna lam kan ngaihpawimawh tlan a ngai a. Exam a ni emaw harsatna engpawh huaisen tak leh huphurhna nei loa hmachhawn a nih chuan harstna pal ngamtu chuan a hnuah hlawhtlinna lian zawk a hlawh chhuak thin,” Dr Hari Babu Kambhampati hian a ti a. Zirlaite tan exam chu a tawpna a ni loa, mark hmuh tlem pawh hlawhchham tehna a ni lo, tiin, “Mark hmuh tam pawh hlawhtlinna tehna a ni loa, rilru chak leh chaklote hian hlawhtlin theihna an neih dan a intiat vek a, an hlawhtlinna tur kawng erawh a danglam mai a ni,” a ti. Exam chungchanga zirlaite harsatna awm theite zirtirtu leh nu leh paten an ngaihven thuai a, an tanpui a pawimawh tih a sawi bawk.
Exam hmachhawnnaa zirlaite rilru chawh phurna lam duang
