Kuminah October thleng khan Excise & Narcotics department chuan rakzu litres sing 7 chuang an man tawh a, a senchi (IMFL) um sing 2 chuang leh heroin kg.74 chuang an man tawh bawk.
Excise & Narcotics Department (END) chhinchhiah danin, January atanga October inkar khan rakzu litre 76886.565 leh zu bilh lai tin 158911 an man tawh a, a senchi um puitling 21860, a chanve um 3030 leh a quarter (180 ml) um 2922 an man tawh. Beer um 776,
can (500 ml) 37368 leh can (300 ml) 627, a senchi (foreign zu) um 300 chuang leh Burma zu (BEDC) litre 2328.300 an man tawh bawk.
Ruihhlo lamah heroin kg. 74.220, ganja kg. 148.456, opium gram 367, methamphetamine kg. 78.818 bakah ruih nana hman damdawi mum leh a tui engemawzat a tel a ni.
END chuan MLA inthlanpui neih turah inthlan thianghlim leh fel tak neih theihnan zu leh ruihhlo laka inthiarfihlim theuh turin mipui a ngen tih a sawi a. Inthlan kaihhnawiha zu leh ruihhlo lam chi reng reng chelek lo turin mipui a ngen bawk.
Excise-in kuminah rakzu litre sing 7 chuang man tawh
