Exit Poll-in Prime Minister Narendra Modi chu a term thum nana thuneihna a chang leh dawn a tih avangin BJP te chuan Delhi leh hmun hrang hrangah sorkar thar lawmna inpuahchahna an \an der tawh.
BJP te chuan Delhi hmun pawimawh Bharat Mandapam, Yashobhoomi leh Kartavya Parth ah te PM Modi sorkar lakluh a nih hnuah lawmna neih an tum a. Mahse, remtihna erawh an la hmu lo tia sawi a ni.
Road show pui tak pawh Delhi a Lok Kalyan Marg ah ruahman a ni bawk a, helai hmun hi Prime Minister official residence awmna niin BJP headquarter awmna a ni bawk a. Victory march huaihawt tumah mi nuai chuang an tel rin a ni.
Mumbai-ah pawh lawmna neih tuma ruahmanna siam niin laddu ringawt pawh 10,000 chuang order a ni tawh tia sawi ani bawk.
Pathianni khan exit poll lak 12 te chuan Lok Sabha inthlanah BJP te chu chak hle turah a dah a. NDA alliance chuan seat 365 hmu turah dahin sorkar siam nan seat 272 a tawk thung.
Mahse, exit poll chu a dik vek ngai chuang lo. Exit poll chuan BJP te chuan Keral leh Tamil Nadu ah pawh chakna chang turah dahin Odisha leh West Bengal ah pawh che \ha hle turah a dah bawk.
Exit Poll hrang hrangah NDA ring ber
