Haryana state inthlan chu naktuk hian vote chhiar a ni dawn a, exit poll lak hnuhnung berah Congress chuan hnehna sang tak an chang dawn nia tarlan a ni.
Poll result a tarlan a nih danin, Haryana hian kum 10 hnuah sorkar thar hmel a hmu dawn a, Congress chuan hnehna an chang dawn nia sawi a ni.
Poll siamtute tarlan danin, J&K inthlanah pawh Congress leh an thawhpui National Conference (NC) te chuan hnehna an chang dawn an ti bawk.
Inrinnia tihchhuah he poll ah hian Congress chuan seat 55 an la tling dawn nia sawi a ni a, anmahni hnaih bertu leh rorel lai ni bawk BJP chuan seat 27 an la dawn nia sawi a ni bawk.
Senior Congress leader Bhupinder Singh Hooda chuan, Seat 65 an la tling ngei dawn nia sawiin, hei hi a dik lo a nih pawhin, a aia tam hret emaw, tlem hret emaw chu a ni ngei ngei ang, a ti a. Congress chu sorkar na siam turin a inpeih tawh hle a ti.
Hetihlai hian Haryana CM leh BJP leader ni bawk Nayab Singh Saini chuan, BJP chuan sorkar na kan siam leh ngei dawn a, October ni 8 ah engkim chinfel a ni tawh dawn, a ti ve thung.
Exit poll lak hnuhnung berah Congress an sang
