Thla thar March ni 2 khian Bahrain International Circuit-ah Bahrain Grand Prix hmangin 2024 Formula One world championship an tan dawn a, chumi atana inbuatsaihna hmasaah Nilaini khan world champion vawithum ni tawh Max Verstappen chu chawhma leh chawhnu session-a tlan chak ber a ni ve ve.
Bahrain lama F1 pre-season testing ni khatnaah hian Red Bull driver Verstappen hian mittlung takin bul a tan a; a hnuaiah hian McLaren driver Lando Norris leh Ferrari car khalhtu Carlos Sainz an thleng.
Verstappen-a car thar hian Red Bull fans tan beisei a tisang leh hlein a rinawm a, tlankawnga a inlan tirh phat atangin a dawk nghal zawk a ni ber!
Nikum khan race vawi 22-a vawikhat chiah pakhatna dinhmun hauh zo loin Red Bull chuan F1 history-a season khat thunun nghet ber record an siam a, kuminah hian an car thar RB20 car a tlan muan thut a rinawm loh a, Bahrain test hmasaah pawh beisei an rawn khum leh nghal chiah a, kuminah pawh Verstappen kan ti leh reng dawn a nih hmel!
Dutchman Verstappen-a race engineer Giampiero Lambiase pawh Red Bull garage-ah lungawi hmel takin a bu nghat nghat!
F1 pre-season testing-ah Max langsar leh nghal
