FA Cup first round draw a chhuak
Match 40 khelhna tur FA Cup first round draw tarchhuah takah MK Dons chuan an elpui lian AFC Wimbledon an mikhual dawn.
Dons leh Wimbledon hi League Two club ve ve niin, kum 2003 daih tawha Milton Keynes lama Wimbledon FC an insuanluh a\ang khan team inhal leh inel an ni \an a, kum 2004 nipui thawt laiin Milton lamin an hming thlakin MK Dons tih hming an pu ta a ni.
League One hmahruaitu Birmingham City chuan away tie changin National League club Sutton United an luhkhung dawn a; he league-a pahnihna luahtu Wrexham-in League Two club Harrogate Town an tum thung ang.
League One Northampton Town leh an \henawm sixth-tier club Kettering Town chu insu tura pawh an ni ve bawk.
He competition kal laia ranking hniam ber Hednesford Town chuan fourth-round qualifying replay-a Gateshead an hneh avangin inkhel danga Boston United paltlangtu Gainsborough Trinity an tum dawn a ni.
Seventh-tier side Harborough Town pawhin a vawikhatna’n round one an thleng a, sixth-tier Tonbridge Angels nen an intum ang.
FA Cup first round hi thla thar, November chawlhkar hnihna leh thumnaa khelh tur niin, round khatna lamah hian division hniam lam an han chechhuak sang sang ang a, a sang lamah top flight team-in an zawm ve leh dawn a ni.
FA Cup first round draw a chhuak
