Faina chungchang
inrawnkhawmna
Thawhtanni khan Govt. Aizawl College hnuaia Research, Innovation and Extension Cell-in Aizawl khawpui faina chungchanga inrawnkhawmna, ‘Consultation on Clean Aizawl: Urban Cleanliness and Visitor Management ‘ an buatsaih a, Prof Vanlalringa Bawitlung-in kaihruaiin, college principal Lalbiakzuala’n inlawmna thu a sawi.
He hunah hian V Lalruatliana, Dy CEO Aizawl Smart City Ltd chu keynote speaker niin Aizawl khawpui faina lama kan hmasawna hrang hrang a sawi a, Aizawl khawpui a fai chuan khawpui dang pawh hi a fai chho zel thei a ni tiin nasa lehzuala faina lama hma la turin a fuih a ni.
He inrawnkhawmnaah hian MIAS secretary Rochamliana, Lalnuntawma Fanai, Zonet, Vanramchhuangi, activist and environmentalist leh Dr Vanramliana, associate professor, PUC panel-ah an thu a, sawihona hun hi Dr C Lalengkima, assistant professor, GAC-in a kaihruai a ni.
Faina chungchang inrawnkhawmna
