Fapa kaphlumtu jail-ah
A fapa kaphlumtu Ramthuamliana (48), Dinthar Veng Aizawl chu thubuai siamsak niin Central Jail-ah dahluh rih a ni.
Thudawn danin, November 23 (Inrinni) zan dar 8.30 vel khan Dinthar Veng Aizawlah pa pakhatin a fapa chu silaiin a kap a, hliam na tak tuarin damdawi in panpui a ni a; a hliam tuar loin hemi zan dar 10.15 khan a thi a ni. Nunna chan hi David R Lalduhawma (28) a ni a, a kaptu hi a pa Ralthuamliana a ni.
An inkah chhan hi chiang taka hriat hleihtheih ni lo mah se, sawi dan tam ber leh police-te hriat danah chuan, hemi zan hian Ramthuamliana hi a nupui nen an inhau a, kut thlak tum nia a lan avangin a fapa David R Lalduhawma hian a nu thlavang hauhin a pa nen hian an inchai deuh a, a bawhthlu nia sawi a ni. Ramthuamliana thinrim laklawh hian a silai (ulhbun nia sawi) chu la in a fapa hi kahah a vau a, a chhungten an lo danna lamah kut thlak tuma a che leh chu a fapa hian an thlavang a va hauh leh a, thil hi a thleng zui ta mai nia thu dawn a ni.
Police-ten pawikhawihtua puh hi an man nghal a, Pathianni khan court hmaah hruaiin kawl phalsak an ni a; Central Jail-a dah rih a ni.
Fapa kaphlumtu jail-ah
