Mipa naupang kum riat mi chauh a ni a, mahse, Max Alexander chu Guinness World Record-in khawvela fashion designer naupang berah a puang der tawh. ‘Kum te chu number mai mai alawm,” an tih hi Max chungchangah hian a dik riau.
A kum naupan anga en ngawt chi a ni lo, tunah chuan fashion khawvelah hniak a hnutchhiah nei der tawh a, People Magazine-in an kawmnaah Max chuan mipa naupang kum li mi lek a nih lai atang tawhin a nu Sherri Madison nen thawmhnaw design vel an lo buaipui tan daih tawh niin a sawi a, tunah chuan custom couture gown 100 chuang a kutchhuak a nei tawh a, runway show te pawh a lo host ve zak zak tawh a ni.
Hei mai a ni lo, a fashion design te hi a naran lo riau lehnghal a, a kutchhuak hi Hollywood star lar Sharon Stone leh Debra Messing te thlengin an lo inbel tawh a, runway fashion designer naupang ber nih pawh a phu viau a ni.
Max hi New York Fashion Week-ah pawh telin, a kutchhuak te tihlan a ni a, record a siam chu nuam a tih thu sawiin, “Kum 10 ka tlin hun emaw, a hnulam deuhah emaw record hi chu an tih ka lo ring ve deuh a, mahse, rin aia hmain record ka siam thei hi a nuam ve a ni,” a ti. Max hian Instagram lamah pawh follower maktaduai thum chuang a nei tawh.
Fashion Designer naupang ber
