Fate hnenah nupa inthen engtia hrilh tur nge
I nupui/pasal-in inthen a duh ta tlat si a, inthenna chu nupaa thutlukna ni mah se kan fate kan hriattir dan a fuh loh chuan an nun a nghawng chhe viau thei niin relationship lama mithiam ten an sawi.
Chutiang hunah chuan engtin nge i fate hnenah i nupui/pasal nena inthen intum emaw, in inthenna chu i hrilh tak ang le. A nunah thil tam tak a inthlak ve ngei a ngai ta si a:
1. Inthen kan tum a nih chuan kan fate kan dah pawimawh hle a ngai a, tum khat na reng reng chu inthurual leh a fate hnenah kan thutlukna chu kan pahniha hrilh hriat a tha. Inthen mah ula an nu leh pa inla ni reng tih hriattir tur a i a, in tan an la pawimawh reng tih hriattir tur a ni.
2. Fate bulah, “I nu hi alawm,” tih emaw, ‘I pa vang hian inthen lo thei kan ni lo,” emaw ti a, a tu emaw zawk thiam loh chantir tur a ni lo. Fate hmaa thiam chang zawk nih tuma inhnialna emaw in sawithiamna chuan an rilru a tibuai mai mai zawk a ni. In nupa buainaah chuan infate hnuh luh loh a tha ber.
3. Inthen intum a nih chuan in fate hnenah thudik tak hrilh tur a ni. An kum upat dan azirin an hriatthiam dan tur erawh ngaihtuah thiam a tul hle a, inthen chhan te pawh tawi fel taka hrilh mai a tha a, a kim changa in nupa boruak zawng zawng hrilh ve kilh kelh kher erawh a tul lo.
4. In inthen dawn a nih pawhin fate hnenah beiseina thlawn leh mai mai tur siam sak loh tur a ni a, engtikah emaw inla insawirem leh thei maithei niawma beiseina te pawh a thlawn leh tur chi siam sak a him ber zawk.
5. In inthen avangin an nun phung pawh a danglam dawn tih hrilh hriat ve ngei tur a ni a, chutih rualin nu leh pa te hmangaihna erawh an dawng reng dawn tho tih hriattir tur a ni. An nunphung inthlak tur chu an dawnsawn thiam theih nan, rilru na lutuka an awm loh nan te, fate chu buatsaih lawk an ngai ve a ni.
Fate hnenah nupa inthen engtia hrilh tur nge
