Khawzawl Tuisenphaia FCI Food Storage Depot sak mek chu Nilaini khan deputy chief minister Tawnluia’n a tlawh a. Depot satu contractor-te nen leiminin a tihbuai Khawzawl FCI kudam hmun laih mek chinfel dan tur an sawi ho.
FCI depot sak meka leimin vanga harsatna awm chu chinfel a nih theihna’n theihtawp chhuah a tum tih deputy chief minister hian a sawi a. Food Civil Supplies & Consumer Affairs Department, Food Corporation of India leh Geology & Mining Department mithiamte nen a hmunah enfiah ho se, tiin a rawt. Depot hi leimin vanga sak zawm rem lo palh thei a nih avangin Joint VC-te chu hmun remchang dang lo zawng turin thu a rawn bawk.
FCI Food Storage Depot Khawzawl hi supply metric ton 3333 dawl zo tura ruahman a ni a. Mizoram khawchhak tlangdung – Champhai district leh Khawzawl district chawm thei tura ngaih niin, June 2023 atang khan hna thawh tan a ni. Project estimate hi cheng nuai 1800 niin, Satyam Construction-in a sak hna an thawk a ni.
FCI depot saka harsatna enfiah
