Mizoram Pradesh Congress Committee office bearers inthlan chu February 20 hian neih a ni dawn a. Official candidate siam niin, senior vice president nilai Lal Thanzara chu president candidate a ni.
MPCC office bearers thuchhuak chuan 2023 November 30-a 2024 February chhunga party inthlan a lo rel tawh an sawiho a. Party inthlan hun atan February 20 (Thawhlehni) a ruat a, party OB leh executive member thlan nise, tiin, official candidate siam tha a ti a. President ah senior vice president nilai Lal Thanzara, vice president ah vice president nilai tho Lalnunmawia Chuaungo, treasurer-ah he nihna chelh mek Dr Lalmalsawma Nghaka ruat an ni.
MPCC office bearers thutkhawm hi president Lalsawta’n a kaihruai a, Congress Working Committee member Lal Thanhawla chuan a telpui a ni.
MPCC GAD thuchhuak chuan MPCC hruaitu thlan hi boruak zalen tak hnuaia buatsaih a ni dawn, tiin, official candidate ni lote pawh, MPCC danpuiin chuh thei tura a phalsak, a duh apiangin inthlan hi an chuh thei dawn tih a sawi a ni.
Feb.20 AH MPCC OB thlan Official candidate siam
