February 2 atangin sawh-
thing kan lei tan dawn
– Chief minister
Kumin February 2 atangin sawrkarin kuthnathawktute sawhthing chin a lei tan leh dawn tih chief minister Lalduhoma chuan a sawi.
Champhai district Tlangmawi khuaa Lalawmpuii’n nikuma a sawhthing hralhna atanga Chief Minister Relief Fund-a sum a chhunluhnaah chief minister chuan, February 2 atangin sawhthing an lei tan leh dawn a, nikum aia a rate a that an beisei a, kan thar tam an beisei bawk tih a sawi.
Tuna CM Relief Fund chhungluttu chu nula taima tak, sawhthing atanga kum khata cheng nuai 15, nuai 30 thar chang nei thin a ni tih sawiin, “Sawrkar officer-te hlawh aia tam a tharchhuak tawh,” a ti
Sawhthing rate hresaa kuthnathawktute an ching chu an tan a lawmawm tih chief minister hian a sawi a. “Kan khaw mawngah hian hlam hniha thukah cheng nuai 20 a inphum tih hre ta ila, lai peih lo pa kan awm ka ring lo. Chutiang chiah chuan thlai thar-in rate a neih a, a rate hresaa kuthnathawkten an thawh dan chu a ni ta a, nula Lalawmpuii pawh hian kuminah nuai 15-20 man vel chu a thar leh ngei dawn a ni,” a ti.
February 2 atangin sawh- thing kan lei tan dawn – Chief minister
