Ferrari a zawm hnua
Hamilton chak vawi khatna
Kum 41 mi Lewis Hamilton chuan Ferrari a zawm hnua a vawi khatna atan F1 hnehna a chang ve ta nge nge a, Kimi Antonelli vawi nga chak tluang lai titawpin Pathianni khan Spanish Grand Prix-ah hnehna a chang a, kum 1970 daih tawha record siamtu Australian Jack Brabham hnu lama Formula One race hnehna chang thei upa ber a ni nghal.
Tun kha a career-a race vawi 106 a chak tlinna chiah niin, Barcelona tlankawng Circuit de Catalunya bikah record siamin vawi sarih chak tling thei awmchhun a ni.
Spanish Grand Prix-ah hian Mercedes driver George Russell chu pahnihnaah thlengin, Lando Norris-a khalh McLaren car chu pathumnaah a thleng ve bawk a, kum 1968 hnu lama British driver pathumin a ruala F1 lawmman semna dawhsan an luahho leh vawi khatna chiah a ni.
Barcelona-Catalunya Grand Prix hlawhtlinna kha Belgium 2024 hnu lama Briton Hamilton-a chak vawi khatna niin, khatih lai khan Mercedes driver a la ni.
|um sarih ngawt world champion ni tawh Hamilton-a hlawhtlin zan hian rawlthar kum 19 mi lek ni chunga championship hmahruaitu ni thei Mercedes driver Italian Antonelli chu pahnihna a nih mek laiin lap ngana lekah a car electric chiang lo (electrical shutdown) avangin a tlan chhunzawm thei ta lo a, chu chu Hamilton-a tan vanneihna niin, Antonelli lakah point 41-in a hniam.
Pole position atanga tlan chhuak George Russell khan Antonelli laka a hmahruaina a hloh hnuah Hamilton a pha lo leh ta a; McLaren reigning champion Lando Norris erawh a inlehpelhtir duh ta bik lo a ni.
P athianni hnehna kha kum 2024 hnu lama Ferrari car hrim hrimin hnehna a chan vawi khatna niin, 1968 U.S. Grand Prix daih tawha Watkins Glen tlankawnga Jackie Stewart, Graham Hill leh John Surtees-te’n top three an luah hnuah a tum khatna atan British driver pathumin lawmman semna dawhsan an luahho ve leh ta chiah bawk a ni.
Grand Prix hnehna chang thei upa ber la ni reng triple champion Brabham khan kum 43 leh thla 11 chiaha upa a nih laiin South Africa ramah hnehna a chang a, kha kha F1 race-a a chak hnuhnunber a ni nghe nghe.
Australian Brabham hnu lama Grand Prix hnehna chang leh thei upa ber ni ta Hamilton hian nakkum January thlaah kum 42 a tling ang.
Briton Nigel Mansell pawhin kum 1994 khan Australia leilungah kum 41 leh thla thuma uipa ni chungin F1 race hnehna a lo chang ve tawh bawk.
Chawlhkar hnih an chawl leh ang a, June ni 26-28 khian Red Bull Ring-ah Austrian Grand Prix hmangin championship an chhunzawm leh dawn a ni.
Barcelona Grand Prix race result
Pos. Driver Ram Team Laps
1 Lewis Hamilton GBR Scuderia Ferrari HP 66
2 George Russell GBR Mercedes AMG Petronas F1 Team +19.561s
3 Lando Norris GBR McLaren Mastercard F1 Team +23.719s
4 Max Verstappen NED Oracle Red Bull Racing +40.497s
5 Oscar Piastri AUS McLaren Mastercard F1 Team +58.661s
6 Isack Hadjar FRA Oracle Red Bull Racing +1 Lap
7 Pierre Gasly FRA BWT Alpine F1 Team +1 Lap
8 Liam Lawson NZD Racing Bulls +1 Lap
9 Arvid Lindblad GBR Racing Bulls +1 Lap
10 Franco Colapinto ARG BWT Alpine F1 Team +1 Lap
11 Gabriel Bortoleto BRA Audi Revolut F1 Team +2 Laps
12 Carlos Sainz ESP Atlassian Williams F1 Team +2 Laps
13 Esteban Ocon FRA TGR Haas F1 Team +2 Laps
14 Sergio Perez MEX Cadillac F1 Team +3 Laps
15 Charles Leclerc MON Scuderia Ferrari HP +4 Laps
16 Andrea Kimi Antonelli ITA Mercedes AMG Petronas F1 Team +5 Laps
17 Ollie Bearman GBR TGR Haas F1 Team +6 Laps
DNF Alex Albon THA Atlassian Williams F1 Team +11 Laps
DNF Fernando Alonso ESP Aston Martin Aramco F1 Team +29 Laps
DNF Nico Hulkenberg GER Audi Revolut F1 Team +37 Laps
DNF Valtteri Bottas FIN Cadillac F1 Team +51 Laps
DNF Lance Stroll CAN Aston Martin Aramco F1 Team +61 Laps
DRIVERS’ WORLD CHAMPIONSHIP
Pos. Driver Ram Team Wins Points
1 Andrea Kimi Antonelli ITA Mercedes AMG Petronas F1 Team 5 156
2 Lewis Hamilton GBR Scuderia Ferrari HP 1 115
3 George Russell GBR Mercedes AMG Petronas F1 Team 1 106
4 Charles Leclerc MON Scuderia Ferrari HP 0 75
5 Lando Norris GBR McLaren Mastercard F1 Team 0 73
6 Oscar Piastri AUS McLaren Mastercard F1 Team 0 58
7 Max Verstappen NED Oracle Red Bull Racing 0 55
8 Pierre Gasly FRA BWT Alpine F1 Team 0 41
9 Isack Hadjar FRA Oracle Red Bull Racing 0 34
10 Liam Lawson NZL Visa Cash App Racing Bulls F1 Team 0 28
11 Oliver Bearman GBR TGR Haas F1 Team 0 18
12 Franco Colapinto ARG BWT Alpine F1 Team 0 16
13 Arvid Lindblad GBR Visa Cash App Racing Bulls F1 Team 0 13
14 Carlos Sainz ESP Atlassian Williams F1 Team 0 6
15 Alex Albon THA Atlassian Williams F1 Team 0 5
16 Esteban Ocon FRA TGR Haas F1 Team 0 3
17 Gabriel Bortoleto BRA Audi Revolut F1 Team 0 2
18 Fernando Alonso ESP Aston Martin Aramco F1 Team 0 1
19 Nico Hulkenberg GER Audi Revolut F1 Team 0
20 Sergio Perez MEX Cadillac F1 Team 0
21 Valtteri Bottas FIN Cadillac F1 Team 0
22 Lance Stroll CAN Aston Martin Aramco F1 Team 0
F1 grand prix hnehna chang thei upa zualte
Driver Race Kum
Luigi Fagioli 1951 French GP 53 years and 22 days
Giuseppe Farina 1953 German GP 46 years and 276 days
Juan Manuel Fangio 1957 German GP 46 years and 41 days
Piero Taruffi 1952 Swiss GP 45 years and 219 days
Sir Jack Brabham 1970 South African GP 43 years and 339 days
Sam Hanks* 1957 Indianapolis 500 42 years and 321 days
Lewis Hamilton 2026 Barcelona-Catalunya GP 41 years and 157 days
Nigel Mansell 1994 Australian GP 41 years and 97 days
Lee Wallard* 1951 Indianapolis 500 40 years and 265 days
Maurice Trintignant 1958 Monaco GP 40 years and 200 days
Graham Hill 1969 Monaco GP 40 years and 92 days
* Kum 1950-60 chhung khan Indy 500 kha F1 World Championship round pakhata pawm a ni.