FIFA Club World Cup final halftime show-ah Doja Cat, Tems & J Balvin

FIFA Club World Cup final halftime show-ah Doja Cat, Tems & J Balvin
FIFA Club World Cup chu a vawi khat nan kuminah an khel dawn a, July ni 13 hian MetLife Stadium, New Jersey-ah final khelh a ni dawn a, final halftime show-ah Doja Cat, Tems leh J Balvin te an che dawn a ni. He halftime show hi Coldplay frontman Chris Martin buaipui vel tur a ni a, FIFA Global Citizen’s Education Fund tan sumtuakna a ni ang.
NFL final, Super Bowl-ah halftime show pui takin an nei thin a, FIFA pawhin hetiang hi seng luh tumin nakkuma FIFA World Cup final-ah pawh halftime show hi a vawi khat nan an nei tawh dawn a, tunah hian khawvela club tha rual tan a vawi khat nan FIFA Club World Cup an buatsaih a, hetah pawh hian final-ah halftime show hi a awm dawn ta a ni.
J. Balvin chuan FIFA Club World Cup hmasa ber final-a halftime show an headline thei chu ropui a tih thu sawiin, ama tan mai bakah Latin culture tan thil chhinchhiah tlak a nih thu a sawi a, Tems chuan footall ropuinain khawvel a thlung khawm a, rimawi hmanga inzawmna tha zawk a awm a, FIFA Global Citizen Education Fund kaltlanga naupang chan chhe zawk maktaduai tam takin nun duhawm zawk an rawn chan chhoh zel a beisei thu a sawi ve bawk.
FIFA President Gianni Infantino chuan halftime show pui tak a nih tur thu sawiin, “Kan ti mai mai lo. Khawvel kiltin atangin entu tluklehdingawn 2 chu kan tling ngei dawn. Chuvangin kan phur hle a ni,” tiin FOX 5 interview-ah a lo sawi ve tawh bawk a ni.