‘Fight hautak ber chu keimaha keimah hi a ni’ – Marquez
MotoGP world champion thar Marc Marquez chuan Pathianni Japanese Grand Prix hnehna changa season kal lai MotoGP title a lak fel hnuah tuntum hi tunhnai kum nga chhunga champion tura beihna hautak ber a nih thu a sawichhuak.
Spaniard rider hian kum 2020 khan a banah hliam na tak neiin, tlankawnga a kirleh hnuah pawh a career-a title paruk a lak tawh belh chhah a harsat ta tlat a, mahse, kumin hian ropui takin tllankawngah a inlan a, a nau Alex Marquez nen title race-ah an inum chho ngat ngat a, kum 2019 hnu lama a vawi khatna atan premier class-ah world champion a ni leh thei ta a ni.
Kum 32-a upa Marquez chuan title a figh-na kawngah amah leh amah chu an inbeio nasa ber tih sawiin, a chhungrila amah leh amah inbeihna chu a hautak lai ber niin a sawi.
“A harsa lai ber chu Marc-a beih kha a ni: Marc-a pakhatin kawng dangin a sawi a, Marc-a dang leh sawi dan a dang leh daih a; Marc pakhata chuan title lak tuma beihgna chu bansan tawh mai turin min hrilh a, Marc dangleh chuan chhunzawm zel turin min fuih sauh sauh bawk a; a tawpah chuan ka thinlung chhungril berin thutlukna a siam zulzuiin champion tguma ka beihna kawngah 100% in ka insawrbing zui ta a, bansan duh lkohna nen ka bei chhunzawm ta zel a ni,” tiin hjliam na takin a bawhbuai hnua title a rawn fight chhoh leh dan boruak a sawi.
Kum 2019 kha a champion tawpna a nih tawh avangin kumina title a lak leh nen Marc Marquez-a champion inkar hi premier class history-a rider champion chhangkhat ber a ni.
‘Fight hautak ber chu keimaha keimah hi a ni’ – Marquez
