President Droupadi Murmu chu Companion of the Order of Fiji, Fiji civilian chawimawina sang ber August 6 khan hlan a ni a. Murmu chuan ram pahnih inlaichinna thatzia sawiin India chuan Fiji ram ropui zawk a nih zel theih nan thawhpui a inpeih reng tiin a sawi.
Prime Minister Narendra Modi hnenah pawh Companion of the Order of Fiji hi a global leadership avangin kum 2023 khan hlan a lo ni tawh bawk.
“President Ratu Wiliame Maivalili Katonivere of Fiji chuan Companion of the Order of Fiji chu President Droupadi Murmu hnenah a hlan a. Fiji a civilian award sang ber a ni” tiin President’s Office chuan X a post a siamah a tarlang.
Ni hnih chama Fiji a awm mek Murmu chuan a chawimawina dawn chu India leh Fiji inlaichinna leh thianthatna thukzia pholanna tiin a sawi a. Indian head of state Fiji tlawh hmasa ber a ni bawk a. President Murmu hian Fijian Parliament ah thusawina a nei bawk a.
“Global stage-ah India a lian zual zel a, Fiji nena thawhhona tha neih zel kan inpeih reng a ni. Kan ram pahnih mipui tena hlawkna an neih ve ve theihna turin kan theihtawp kan chhuah zel ang,” tiin Murmu chuan a sawi.
Ram len lamah India leh Fiji te chu inang lo hle mah se democracy tha tak nei ve ve kan ni a ti bawk a. Kum 10 kalta khan he hall-ah ngei hian Prime Minister Narendra Modi chuan India leh Fiji inkawmngeihna chhan basic values te a lo sawi tawh a ti bawk a.
“Chung zingah chuan kan democracy te, kan society diversity te, mihring te intluktlang vek kan ni tia kan pawm dan te, zalenna, zahawmna leh mimal tinte rights kan ngaih pawimawhnaah te a ni a. Heng kan values intawm te hian min kaihruai zel ang,” tiin Murmu chuan a sawi bawk.
Fiji chawimawina sang Murmu hlan
