July 17 chhun khan film shooting neia thawkchhuak Chawngtlai YMA member-te chuan heroin tawlhruk tum an man.
Thudawn danin, Nilaini khan YMA Chawngtlai Branch chuan Central YMA buatsaih short film insiamsiaka an thehluh tur film shooting neiin daiah an thawkchhuak a. Hetihlai hian scooter pakhat, rawlthar pahnih inphurhna chu rawn tlanin, an ni film siam chang hian sipai uniform te an lo inbel si a, sipai duty emaw tiin an tlanlet a, a piah deuhah thil an thukru tih YMA member-te hian an va hmu pha a ni.
Hetianga thil tiru ta chu tiin an va ngaihven zui a, an heroin phurh an lo thukru a ni tih an va hmu a, sahbawn bawm 20-a dah, gram 253-a rit a ni. Khawzawl Police an hrilhhre nghal a, police hian an la a ni.
Heroin phurtute hi kum tling lo ve ve an ni a, Champhai Zote atanga an lak, Lunglei Zobawka dah tur niin an sawi.
Film siamtuten heroin man
