State finance department atanga sum pekchhuah har vangin village council-te sum dawn tur chu an pechhuak lawk thei thin lo tih Local Administration Department minister K Lalrinliana chuan a sawi.
Assembly Session-ah ZPM member Lalduhoma’n VC-et sum tur a hun taka pek theih a ni lo thin a, sum pek tlai avang hian a hremna – penal interest ah sawrkar kum kalta chhung khan cheng nuai 282 Mizoram sawrkar chawitir a nih thu leh, Supplementary Demand ah dil belh a ni tak ringawt thu sawiin, a huna sum pe thei lo tur hian department-in eng harsatna nge a neih, tih a zawt.
LAD minister chuan VC-te sum dawn tur hi Finance department atanga a hun taka pek hman a nih thin loh avangin penal interest pek thin a ni tih a sawi a. Chutihrualin heng sum hi VC thawmthatna atan tho hman leh a ni thin tih a sawi.
Tunah erawh dan tharah VC-te sum tur hi state sawrkarin a dawn atanga ni 20 chhunga pek vek tur a nih angin hetiang hian kalpui mek a ni tih a sawi a ni.
Finance atanga dawn har vangin VC sum tur pechhuak tlai thin
![](https://theaizawlpost.org/wp-content/uploads/tap_logo-min-large.jpg)