Prime Minister hlui, triathlete leh Europhile Alexander Stubb chuan politics kum sarih a chawlhsan hnuah luhchilh lehin Finnish presidency thlannaah thlantlin a ni.
National Conservative Party leader hlui hian politics a luhchilh leh chhan hi Russia in Ukraine a run vang a ni a.
“Russia-Ukraine indona chhuah hma zawng kha chuan politics ka ngaihtuah tawh lo” tiin nikum August khan a lo sawi tawh a, “Ramin min koh chuan kal mai a ngai” tiin a sawi bawk a.
“Presidential term a pawimawh ber nia ka ngaih chu rule-based international system humhima kenkawh a ni” tiin Stubbs chuan a sawi bawk a.
Inthlana chakna a chan hnuah Stubb chuan president nih chu ‘ka nuna chawimawina sang ber’ tiin a sawi bawk. Stubb hian vote 51.7 per cent hmu in a elpui ber Pekka Haavisto chuan a chakloh a pawm tawh bawk.
Stubb hian Finnish politics laimu a luah hi tihpalh thil ang deuhin a luhchilh a, kum 2008 khan khatih laia party a thawhpui Ilkka Kanerva chu erotic dancer nena text messgae an inthawn kaihhnawihah bang tura nawrna avanga a ban vangin MEP ah a ai a awh a ni.
Stubbs hian foreign minister a nih hnuah pawh Helsinki a a nu leh pa te nena naupan laia an chenna hmunah inbengbel zuiin khawvel foreign minister hringtu pa te nena chengho zui hmasa ber tia sawi thin a ni bawk a. Kum 2014 atanga 2015 khan prime minister nihna a chelh zui a ni.
Finish president elect chuan NATO member thar Finland a nihnaah ‘NATO core ah lutin himna consume tu ni ngawt lovin pechhuak tu a ni tur a ni’ tiin a sawi zui nghal bawk a.
Finland chuan kum tam tak military non-alignment a nihna chu hnawlin Russia in kum 2022 a Ukraine a run hnuah military alliance a zawm ta a ni. A hma pawhin Stubb hi NATO member nih duh a ni hrim hrim bawk.
Kum sawm li vel a nih chhohin Stubb hian triathlon a tlan tan a, infiamna lam ngai pawimawh a nih avangin foreign ministry a enkawl lai pawhin pastries leh coffee te chu fruit leh health drinks ten a thlak a ni.
Prime Minister a nih lai khan kum 2014 a Ukraine chungchanga press conference neihnaah kekawrbul a hak avangin sawisel a hlawh hle thung.
Stubb chuan prime minister a nih laia a tihsual ber tia a sawi chun Russia state-owned Rosatum nena nuclear power plant siam nana inremna an siam chu a ni tiin a sawi bawk.
Kum 2015 inthlan khan an party chu pahnihna niin amah pawh minister of finance ah a tla thla a. Chumi hnuah party leadership pawh hlohin Petteri Orpo tuna prime minister ni mek chuan a thlak a. Kum 2017 khan Finnish parliament chhuahsanin European Investment Bank vice president nihna a chelh zui a ni.
EU Commission presidency a chuhah kum 2018 khan a chak lo va. Stubb chuan politics chhuahsanin academia lamah kir lehin tun hnai kum thum chhung chu European University Institute, Florence, Italy a School of Transnational Governance director hna a chelh leh a ni.
Fa pahnih nei tawhin a nupui Suzanne Innes pawh tunah head of gloabl compliance, elevator engineering comapny Kone ah a ni mek bawk a.A nupui hi Finnish-British dual national niin Finland in foreign a piang first lady a neih hmasak ber tur a ni bawk.
Stubbs hi US, France, UK, Belgium, Luxembourg leh Italy ah te khawsa tawhin Finnish, Swedish, English leh French bakah German tawng thiam a ni.
Finnish president thar-ah Stubb
