Fire & ES hnathawh thlirlet

Fire & ES hnathawh thlirlet
Fire & Emergency Services (F&ES) department hmalakna thlirletin Zirtawpni khan Home minister K Sapdanga hoa thutkhawm a ni.
F&ES department chu kangthelh bakah rikrum thil leh chhiatna thleng thulha an hnathawh chu a hlu tih Home minister hian a sawi a. Ruahmanna fel tak awm loa thang zel kan khawpui than dan mila hnathawh dan ngaihtuah a pawimawh, tiin, an department chu vantlang tana thawk tur leh chhiattawhnaa hmatheh atana sawrkarin rinngama a rawih an nihna hrereng a, he mawhphurhna rorum tak hlenchhuak tur hian mipui nena thawhhona tha nei turin a fuih.
Home secretary Vanlalmawia pawhin F&ES department chu nunna chan hlauhawm khawpa hnathawhna a ni a, sawrkar hnathawh dan a danglam hret hret avang leh khawvel inlinglet chhoah kan hun tawn tur sawilawk a har avangin eng chhiatna pawh hmachhawn thei, ‘multi disciplinary, multi-hazard force’ anga inzir a ngai tih a sawi a ni.
F&ES director C Lalruaia chuan powerpoint presentation hmangin department hmalakna, an inrelbawl dan, an hnathawh leh hlawhtlinna hmuh, multi-hazard response force an nih dan, Home Guard & Civil Defence nen an thawhdun theih dan leh an hmachhawp a sawi a ni.
F&ES department hnuaiah hian Fire Station 14, kangthelh motor (fire tender) 47 leh kangthelh bike 4 a awm a. Home minister hi F&ES chuan kangthelh leh chhanchhuah hna an thawhna hmanrua leh lirthei an lo entir a ni.