Kumtina an tih danin Fire & Emergency Services chuan April 14-20 chhung hian ‘Kangmei lakah fimkhur la, ram tan tha thawh ve rawh (Ensure fire safety, contribute towards nation building)’ tih thupui thlan hmangin Fire Service Week hman zui a ni.
India ram hmun dang rualin Champhai Fire Station chuan April 14 khan National Service Day cum Martyrs’ Day an hmang a. Kum kalta chhunga India rama kang thelh pawl mi pathum, kang thelhna avanga nunna chante sunna hun hman a ni.
Champhai Fire Station officer F Lalchhandama sawi danin, 2023 April 1 leh 2024 March 31 inkar khan Champhai Fire Station-in kangmei chhuah hriattirna fire call tum 23 a dawng a, in, dawr leh thlam kang avangin tum 8 an tlanchhuak. Heng kangmeiah hian bungraw kangral hlut zawng chu Rs. 9,86,000 a ni. Chenna in tana hlauhawm, dai hnai kang thelh turin tum 15 an tlan chhuak a ni.
Fire Service Week hmang
