Bangladesh firfiak pawl Ansal-al-Islam mi leh sa pahnih, Mizorama mante chungthu rel fel a ni a, kum nga tang tur leh Rs 10,000 chawi ve ve tura tih an ni.Ansal-al-Islam mi leh sate hi Mahmud Hassan leh Mohamad Sayad Hussain te an ni a, 2020-a Mizoram Police te man niin, foreigner, firfiak pawl mi leh sa an nih avangin National Investigation Agency (NIA) kutah hlan an ni.
Marapara PS-a case ziah luh niin a tirah chuan Mamit District Jail-ah an tang a, chumi hnuah Central Jail-ah tangin, an chungthu rel fel a nih lai pawh hian Central Jail-ah an tang.
Nilaini khan Aizawla NIA special court-in mi pahnih hremna hi a puang; IPC, Foreigners Act leh Unlawful Activities (Prevention) Act hmangtea hrem an ni.
An pahnih hian Bangladesh atanga Mizorama lut ru an ni a, Marpara velah lutin an bihruk kual laiin Mizo Police te’n an man a ni. An telna pawl Ansal-al-Islam hi Bangladesh-a Al-Qaeda wing niin, India rama firfiaka chet tum an ni tihte an inpuannaah a lang.
An hnen atang hian thil pawimawh engemaw zat man a ni a, mobile phone 11 leh SIM card 16 a tel.
Firfiak pahnih tang turin hrem
