Tunhnaia Fisheries department-in cheng nuai 1000 a dawn, hman loha la awm reng nia sawi chungchangah department chuan he sum hi an la dawng lo zawk a, expenditure sanction dil mek a ni tih an sawi.
Fisheries department hotute sawi danin, he sum, sawrkar laipui atanga an hmuh nuai 1000 hi central scheme PMMSY hnuaia sangha dil siam leh sangha khawi kaihhnawih hrang hrang atana hman tur a ni a. He sum hmang thei tur hian Finance department-ah expenditure sanction an dil a, an bawhzui mek tih a sawi.
Hman theih tura sanction approval hmuh a nih veleh a hmanna tura ruahman sa, component hrang hrang atan bill siam a ni anga, direct benefit transfer-in a sumfai hi SNA SPARSH kaltlangin Reserve Bank of India-in a dawngtu tur beneficiary-te account theuhah an khung dawn tih a sawi a ni.
Fisheries sum tur RBI-in la kawl
