Football-a buaina siam thin hruaitu kaphlum
Argentina ramah football kaihhnawiha buaina siam thin (hooligan) pawl pakhata hruaitu chu Rosario-a a club stadium bulah kahhlum a ni.
Pillin tia hriat Andres Bracamonte huan kum 20 chuang zet chu Rosario Central supporters’ gang hotu hna a thawk tawh a, a khingpui hooligan te nena tharum thawhna nasa tak karah pawh a lo tel tawh thin a ni.
Zirtawpni zan khan a deputy Daniel ‘Rana’ Atardo nen Gigante de Arroyito stadium atanga hla lotea an awm laiin motor pakhat atangin kahhlum a nih thu thuneitute chuan an sawi.
Rang takin an pahnih hian Centenario hospital panpui nghal an ni a, mahse an nunna chhan theih a ni ta lo a ni.
Bracamonte hi sum tihchingpen thubuai rip tak nei lai a ni sa hrim hrim bawk a, dan bawhchhiatna lian tak tak a neih bawk thu Argentina media te chuan sawiin, beih pawh hi a lo tawk fo tawh bawk a ni.
Football-a buaina siam thin hruaitu kaphlum
