Football huangah chak duh luat av^nga mawi lo taka chet a, nat der te, intihnat luih te, dik hlel taka chet a, phakhar chhuah ch^ngte awm fo hin. Chutiang thil thleng hin chuan football hmai a tim^wk hin a, dem a hlawh hin. Thil ha leh mawi tam tak karah ha lo lam leh mawi lo zeuh lo awm hinte hi theihngilh an har duh zawk tlat zel ta lehnghal. Tun umah chuan hriatreng tura duhawm, football huanga chet ze mawi henkhat kan tarlang ang.
Carles Puyol : Kum 2005 khan Barcelona leh Mallorca te chu khelmual ropui Nou Camp-ah an inkhel a, Samuel Eto goal hnih thun hmangin Barcelona an chak. He inkhelah hian Barcelona substitute Mark van Bommel lakah hlauhawm taka a chet av^ngin Mallorca defender Ballesteros hnawhchhuah a ni. Boruak sa phat tihdaih a, Ballesteros hnem tumin Barcelona captain Carles Puyol chuan Ballesteros hi a pan vat a. Khelmual chhuahsan tuma ke pen mek Ballesteros hian Puyol hi a hmaiah tak a lo beng ta siah zawk. An captain ben a nih av^ngin Ronaldinho a ling nghal phat a, rang takin Ballesteros hi a pan nghal var. Tah chuan thil mak tak a thleng ta, Puyol hian rang takin Ronaldinho hi a lo dang a, nam kirin amah bengtu Ballesteros a din hliah ta zawk. Hemi uma Puyol chet ze mawi tak hian fak zui a hlawh hle.
Barcelona leh Spain defender rinrawl, sam sei kir chuat mai Carles Puyol hi paha leh zaidam, phungthlu tak a ni ve reng reng. August ni 25, 2010 khan Barcelona chuan Nou Camp-ah AC Milan an mikhual a, Europe-a team lian pahnihte hian Joan Gamper Trophy an inchuh. Hemi um hian Barcelona player hlui, AC Milan tana khel mek Ronaldinho chuan Italian club tan bul a an a, a ropuina hin Nou Camp-ah a let leh. Ngampa taka a talna mualah mikhual a nih tawh miau av^ngin Ronaldinho hian lunglenna leh khawhar riauna nei ruin, ^wm ang lo deuh huin a hre ngei ang. Ronaldinho awmdan tur hi pa phungthlu Puyol chuan a lo hrethiam zet mai a, Barcelona team thlalaknaah tel turin Ronaldinho hi a sawm a, inkhelh an hmain team thlalaknaa a tel b^kah trophy nen thla an laknaah pawh an teltir leh zel bawk a.
Spain tan vawi 100 khel a, Barcelona tan vawi 392 khel tawh bawk Puyol hian an khingpuiten an hmuhhmawh hlauin, Dani Alves te goal lawm uchuk deuh pawh rang takin a lo khap tawh bawk.
Cristiano Ronaldo : Kum 2011 khan Real Madrid chuan an mikhual Getafe chu si li fai ngawtin an hneh a, he inkhelah hian Cristiano Ronaldo chuan hattrick a siam. Getafe laka che ha tak Ronaldo hian vanduaithlak deuh maiin inkhel entu zinga pakhat chu na takin a pet per fuh hlauh mai a, a pet per pa hnar ruh hi a tliak hial nghe nghe. Enkawl a nih hnuin Ronaldo pet per a pawh hian hliam tuar chungin inkhel hi a en tluan ve hak bawk a. Inkhelh zawhah a beisei phak reng reng loh hun hlimawm a tawng ta thung. Cristiano Ronaldo hian a pet per pa hi a Jersey pein thupha a chawi a, hlim nui s^ngin thla an la dun ta a ni.
SK Brann : Kum 2011 khan Norway tualchhung league sang berah SK Brann leh Lillestrom te an inkhel a. He inkhelah hian Lillestrom player pakhat a inhliam av^ngin ball pet out a ni. Ball tihnun a nihin Brann player Erik Mjelde chuan an khingpui si nghak ball pek a tumna lamah a pet sang hret a, hla tak aanga pet ball sawt chuan Lillestrom si nghak Stefan Magnusson a sawt khum a, mak leh pui takin a goal. He goal hian Lillestrom lam a tithinrim hman viau naa an thimrim rei lo thung. SK Brann lamah hian an khingpuite ball an chuh duh lova, an si phurh sutna goal an thuntir zui ve nghal zat!
Oliver Kahn : German club lian Bayern Munich chu kum 1999 champions League final-ah Manchester United ngam lovin 2-1 in an tlawm a. Kum 2000 final-ah Valencia chu si thum fai ngawta Real Madrid ngam lovin an tlawm ve thung. Champions League final-a vanduai hnaivai pahnih Bayern Munich leh Valencia te hi kum 2001 final-ah an inhmachhawn a, pakhat z^wk z^wk chu vanduai z^wkah an an leh a ngai dawn. 2001 UCL final-ah hian hun pangngaiah 1-1 a an inhnehtawk hnuin penalty shoot-out ah Bayern Munich an vannei a, an champion ta nge nge.
Champions League final-ah an vanduai nawn leh av^ngin Valencia si nghak Canizares chu rilru na leh hreawm ti takin a kun tlawk tlawk. Hreawm ti taka Canizares awm hi Bayern Munich champion puitu Oliver Kahn chuan a lainat hle a, champion lawma au khek a, tlan kual chiam chiam aiin an khingpui si nghak hnem a thlang ta zawk a, lungchim taka kuah chungin a hnem zui ta a ni. Hemi uma a chet dan mawi tak vang hian si nghak rorum hmel zet mai Oliver Kahn hian UEFA Fair Play Award a dawn phah ta hial a ni.
Paolo di Canio : Kum 2000 khan West Ham United leh Everton te chu English Premier League khelin an inhmachhawn a, 1-1 in an inhnehtawk mek. Si khat ve ve pe a an inhnehtawk lai mek hian West Ham in chak theihna hun ha zet mai an nei a, Everton si nghak Paul Gerrard chu hliam av^ngin a tlu a, Trevor Sinclair siam ha tak chu Paolo di Canio hian goal ruakah awlsam taka tauh goal-in, hma an hruaina goal thun thei dinhmunah a ding. |hiante inhliam laia goal lo thun bik chu duh lo vin ball a man ta daih a, Paul Gerrard pawhin enkawlna a dawn thuai theih phah ta bawk.
Hemi uma Paolo di Canio chet ze mawi hian lawm a hlawh hle a, Goodison Park-a mipui pungkhawm leh a khingpui player ten kut bengin a chet ze mawi tak hi an lawm hial a, hei bakah hian Fifa Fair Play award a dawn phah ta hial bawk.
Wieghorst : Kum 2013 khan Denmark leh Iran an inkhel a, Denmark hi si khat faiin an chak lo. He inkhelah hian inkhel entu lam aangin hamrik an ham ri deuh chuah chuah a. chu chu referee hamrik ham emaw tiin Iran player pakhatin a ngaihhai tlat pek a, an box chhungah ball man nulhin penalty a chawi phah. Thil hriatsual palh a awm vang liau liau a penalty hmu an nih av^ngin Denmark captain Morten Wieghorst chuan coach Morten Olsen pan vatin an inbe rawn a, penalty pet goal lo turin thutlukna an siam. Morten Wieghorst ngei hian penalty chu petin, goal zawn loh deuhah a petchhuak lui ta ngat a ni. Wieghorst chet ze mawi hi khelmuala mipuite chuan ding chunga kut beng hluah hluahin an lawm a, Iran player te pawhin an lawm ve bawk. Hemi uma a chet ze mawi tak lantirtu Morten Wieghorst hi Olympic Committee chuan ‘Fair Play award’ an hlan zui ta hial a ni.
Miroslav Klose : Germany forward World Cup-a goal thun thei tak, film star ang maia hmel ha v^ng mai; Miroslav Klose kha kan la hre rengin a rinawm. Klose hian World Cup-a goal a thun hnem ber a nihna leh a hmelhatna bakah larpui dang a la nei cheu a, chu chu Napoli laka a chet ze mawi tak kha a ni.
Kum 2012 khan Italian Serie A-ah Napoli leh Lazio te an inkhel a, Edinson Cavani hattrick hmangin Napoli hian si thum fai ngawtin hnehna an chang. He inkhelah hian inkhel an aanga minute lina lekah Lazio hian hmahruaina goal an thun nghal mai a, corner aanga ball kal chu Klose hian ball tauh ang taka lang chungin a beng goal zeuh. A beng goal tih hi inkhel thununtu ngei pawhin a hmu lova, Lazio player dangte pawh goal lawmin an lam vel mek. Hetihlai hian Klose hian referee Luca Banti chu pan thuaiin a goal thun dan a dik loh thu a hrilh ta mai a, Luca Banti hian a thutlukna sutin Klose goal thun chu hnawl a ni zui ta a ni. Goal an chhuah danah thil dik lo a awm av^nga lungni lo tak Napoli player te pawhin Klose hi an pan a, lawmthu hrilhin an fak zui ta liam liam hlawm.
Italian Serie A-ah thil dik lo a awm av^nga mahni goal thun ngei hnawltir leh hi a vawi khat thlenna erawh a ni lo. Kum 2006 daih tawh khan Daniele De Rossi chuan handball-a goal a thun chu amah ngeiin alo hnawltir tawh a, chet ze mawi a lo lantir tawh bawk.
Jaba Kankava
Kum 2014 khan Ukrainian Premier League-ah Dynamo Kiev leh Dnipro te an inkhel a, hemi um hian Dynamo Kiev captain Oleg Gusev chuan a nunna a ch^n teuh ther ther hle. Dnipro si nghak Denys Boyko chu ball man tumin s^ng takah a zuang a, a zuanna lamah hian ball tauh tuma tlan mek Oleg Gusev hmaiah tak na zetin maiin a khupin a do siah. Gusev hi thi chhawngin a let hlawm nghal tawp a, a nunna a derthawng hman hle. Dnipro midfielder Jaba Kankava chuan Gusev hi a bawihsawm nghal vat a, a ka keu angin boruak a hip luh theih nan a pui thuai a, a chet ze mawi tak hian nunna hlu tak a chhanhim a, thihna kawr ruam zawh tura kal siam hman Oleg Gusev chu nung dami
Football a chet ze mawi
