Bolivia rama mipa naupang kum 10 mi Erick Callejas chuan ramdang footballer-te inkhelh laia thaw chhama an buai phah hialna khawpa hmun sang El Alto khaw-puiah puitling inkhel a ham a, khawvela re-feree naupangber ni hial tura ngaih a ni.
International kawt-kaia kan la hmuh chhun-zawm ngei tura beisei Callejas hian football rules-ah buaina a nei lo a, Bolivia khawpui La Paz thenawm maia an ram khawpui lian ber dawttu El Alto-ah hian a hamrik ham hnuaiah harsatna awm loin puitling match khelh a ni a, whistle ham kawnga phurna siamsaktu hi a pa, referee ve bawk Ramiro a ni.
Ramiro chuan a fapa a hrual chhoh dan chungchang sawiin, “Inrinni leh Pathianni apiangin ka thawhpui te reuhte, ka fapa Erick nen referee turin kan chhuak thin a; ka fapa thisena refe-reeing luang tel tlat hi ka chhuang a, min khawih hle a ni,” a ti.
Callejas-a’n referee ni chunga puitling inkhel a enkawl hmasakber chu women’s league lamah niin, a pa remruatna a ni.
Chumi chungchang chu Bolivian naupang hian sawiin, “Women’s championship a ni a, coordinator chuan referee niin ka ham thei dawn em tih min zawt a, kei chuan ‘aw’ tiin ka chhang a,” a ti.
Football referee naupang ber?
