c Inter Milan kiangah training nei bawk mah se Jesse Lingard chuan Premier League-a khelh nawn leh a thlang zawk a, West Ham zawm nawn leh a rilruk. (Express)
c Juventus leh Chelsea te chuan Turin pan duh Belgium striker Romelu Lukaku chung-chang an sawi dun leh. (Corriere Dello Sport – in Italian)
c Brazil international Alisson Becker chu Jurgen Klopp- a number one goalkeeper nih a lawm tawk viau a, Anfiled chhuahsan tumna a nei lo. (Anfield Watch)
c Saudi Arabian club Al-Nassr chuan kum 30 mi Alisson hi lak tuma an hel thu an sawi. (Footmercato – in French)
c Egypt forward Mohamed Salah chu Saudi Pro League club nen indawr turin phalna pek a ni a. Nipui bazar inhawn chhungin Liverpool a chhuahsan thut maithei. (Alkass, via Football365)
c Al-Hilal chuan Fulham leh Serbia striker Aleksandar Mitrovic chu £47m vel bawrin lak an tum thar leh. Fulham forward Mitrovic hian Saudi Arabian club pan a duh vangin kawhmawh a bawl mek. (Talksport)
c Liverpool chuan defensive midfielder thar lak ngei an tum a, lak an tuma an hel paruk zingah Fulham leh Portugal international Joao Palhinha, Crystal Palace leh Mali midfielder Cheick Doucoure te an tel. (Mail)
c West Ham in Manchester United leh England defender Harry Maguire lak an tumna chu a tlawlh ta nge nge. United nen man leh mualah inremna nei bawk mahse Maguire hi mimal inremna an neihpui thei lo. (Guardian)
c West Ham in Maguire an lak theih loh vang hian Manchester United in Bayern Munich atanga French defender Benjamin Pavard lak an tumna chu tlawlh thei dinhmunah a ding ve bawk. (Sky Sports)
c Manchester United chuan Fiorentina leh Morocco midfielder Sofyan Amrabat lak tumin an dawr thuai dawn. (La Nazione – in Italian)
c Everton chuan Manchester United hnen atangin Belgium midfielder Amadou Onana lei dilna an dawng nawn leh tawh lo. (Liverpool Echo)
c Manchester City chuan West Ham leh Brazil midfielder Lucas Paqueta lei dilna darkar 24 chhung ngeiin thehluh thar leh an tum. (Football Insider)
c Crystal Palace chuan France Under-21 winger Michael Olise lak tuma hel mek Chelsea chuan dan an bawhchhe ngei niin an hria. (Mail)
c Brighton chuan Boca Juniors left-back Valentin Barco an ngaihven a, Argentine hian a lakchhuah theihna zat chu £8m. vel bawr niin a sawi. (Brighton Argus)
c Norwich City nen contract titawp tura inremna an neih hnuin Dutch goalkeeper Tim Krul chuan Luton Town zawm fel turin medical test a hmachhawn thuai dawn. (Norwich Evening News)