c Saudi Pro League official te chuan kum 2024-ah Manchester City leh Belgium midfielder Kevin de Bruyne lak an tum thu an sawichhuak. (Football Insider)
c Italy midfielder Sandro Tonali chu thla 10 chhung ngawt inkhel thei lo tura hrem a nih tak vangin Newcastle chuan January thlaah Al-Hilal leh Portugal midfielder Ruben Neves lak an tum dawn. (Sun)
c Newcastle hain Manchester United midfielder Scott McTominay leh Manchester City leh England midfielder Kalvin Phillips lak an tum dawn bawk. (90min)
c Chelsea chuan kum 19 mi Spain midfielder Gavi lak tumin an ngaihven a. Barcelona chuan an sum harsatna phuhruk turin Gavi hi £87m in hralh an hreh lo ve bawk. (Sport via Express)
c Saudi Arabia club chuan Manchester United tana pawimawhna nei tawh lo England winger Jadon Sancho chu loan in hawh an tum a, Chelsea pawhin Sancho hi an ngaihven ve bawk. (Athletic)
c Manchester City in ngaihven bawk mah se English forward Eberechi Eze chuan Crystal Palace-ah contract thar a ziah leh ngei an ring. (Standard)
c Arsenal chuan Declan Rice kianga khel tur lak luh an duh a, Real Madrid leh France star Aurelien Tchouameni chu nipui bazar inhawn hunah lak an tum dawn. (Football Transfers)
c Gunners hian Real Sociedad midfielder Martin Zubimendi pawh lak tumin an ngaihven ve bawk a, kum 24 mi hi Manchester United pawhin an ngaihven ve bawk. (Football Transfers)
c Liverpool chuan Sporting Lisbon atangin Portugal centre-back Goncalo Inacio an lak theih hmel ta hle. (Bild – in German)
c An manager Marco Silva-a’n contract thar a ziah dawn tak vangin Fulham defender Tosin Adarabioyo chu club nen contract thar chungchanga indawr turin a inpeih. Nipui bazar lian ta khan Adarabioyo hi Monaco in lak an tum hlawhchham tawh a, Tottenham pawhin lak an duh ve bawk. (Standard)
c Newcastle United chu Premier League club atanga Inter Milan defender Federico Dimarco lak tum thar lam ber an ni a. Kum 25 mi hi Chelsea leh Manchester United pawhin an ngaihven ve bawk. EPL club lian tu emaw ber chuan nipui bazar inhawn hunah an lak luh ngei a rinawm. (Fichajes – in Spanish)