C Paris St-Germain leh Napoli te Nigeria forward Victor Osimhen chungchangah an indawrna a tlawlh. (Fabrizio Romano)
C Besiktas chuan Arsenal, Liverpool leh England midfielder Alex Oxlade-Chamberlain chu an ruahmannaah an tel tawh lo tih an hrilh. (Mirror)
C Borussia Dortmund leh Juventus te chuan Paris St-Germain ang thoin kum 24 mi Manchester United leh England forward Jadon Sancho lak an duh a. Mah se, club pathumte hian United in Sancho an chhiarna zatin an ngam lo vek thung. (Sky Sports)
C Machester United chuan an manager Erik ten Hag nen boruak tha lam nei leh mek Sancho manah hian £40m an chhiar. (Mirror)
C Football club ropui Real Madrid in lak tumin ngaihven bawk mah se Liverpool chuan England right-back Trent Alexander-Arnold chu an hnenah cham chhunzawmin, contract thar a ziah ngei an beisei. (Sun)
C Manchester City chuan an senior team tana la khel lo Brazil right-back Yan Couto chu Borussia Dortmund lamah hralh an tum a. German club hian kum 22 mi hi £25m vel bawrin an dawr tura ngaih a ni. (Mail)
C Manchester United chuan Netherlands centre-back Matthijs de Ligt lak nan 40m euros (£33.6m) chauh an tawktarh a. United in an tawktarh zat hi Bayern Munich chuan an pawm lo nasa viau thung a, De Ligt manah hian 50m euros (£42.2m) aia tlem chu pawm an tum lo bur. (Sky Sports Germany)
C Chelsea in USA a zin tura an hruai tel lo chuan defender Trevoh Chalobah a tawng hle. Blues khawsazia hian chhuah luihtir ngei an tum tih kum 25 mi Chalobah hian a hrethiam. (Guardian)
C England full back Kieran Trippier chuan Newcastle United-ah kum khat daih chiah contract a nei tawh a, Saudi Arabian club ten lak tumin an ngaihven. (Northern Echo)
C Brazil midfielder Joelinton chuan Newcastle United-ah a la hlim viau tih a sawi a. Brazil tana a khelhpui Bruno Guimaraes pawh chhuak tur angin sawi ni bawk mah se an hnenah a cham chhunzawm a beisei thu a sawi tel bawk. (Guardian)
C Arsenal chuan Athletic Bilbao winger Nico Williams leh Real Sociedad midfielder Mikel Merino te lak tumin an ngaihven a. Spanish international player pahnih lak an tumnaah Barcelona nen inchuhin, inelna hautak an hmachhawn a ngai dawn thung. (Standard)
C Brentford leh England striker Ivan Toney chuan dawrna lian a dawng lo a nih chuan a khelh meknaah contract hmang zo turin a inruahman. (Talksport)
C Manchester United chuan Bayern Munich atanga Moroccan right-back Noussair Mazraoui an la lut dawn a nih chuan an right-back Aaron Wan-Bissaka an hralh hmasak zet a ngai dawn. (Mirror)
C Everton chuan Napoli leh Denmark midfielder Jesper Lindstrom chu loan in hawh a, £18.5m senga lak luh zui theih turin Goodison Park-ah hruai luh an tum. (Gianluca Di Marzio)
C Ipswich Town chu Sunderland winger Jack Clarke lak tumin an inbuatsaih. (The i)
C Bologna chuan Arsenal pana chhuak tur Riccardo Calafiori hmunruak luahtu atan Borussia Dortmund in an chhuah zalen Germany defender Mats Hummels lak tumin an dawr. (Sky Sport Italy)
C Getafe chuan season liam taah loan-a an hawh Mason Greenwood man atangin £5m an dawng ve thei dawn. England forward Mason Greenwood hi Marseille chuan £26.7m sengin an la lut. (Times – subscription required)
C Sheffield United in an chhuah zalen hnuin Scottish striker Oli McBurnie chuan Spanish La Liga club Las Palmas zawm a tum. (Fabrizio Romano)
C Rangers captain James Tavernier leh Turkish club Trabzonspor te an indawr mek. Scottish club hian kum 26 mi Englishman Todd Cantwell dawrtu an awm a nih pawhin tha taka dawnsawn an tum bawk. (Scottish Sun)
C Chelsea chuan Villareal tana khel mek Swedish-born Danish keeper Filip Jorgensen lak tumin an dawr. (Standard)
C Championship club Derby County chuan Sweden goalkeeper Jacob Widell Zetterstrom lak an tum. (Derbyshire Live)