c Burnley chuan nipui bazar inhawn hunah Ajax winger Sontje Hansen lak an duh. (Football Insider)
c Arsenal leh English forward Reiss Nelson-a aiawhte chu contract thar chungchangah an indawr tan. (Fabrizio Romano)
c Liverpool chu nipui bazar inhawn hunah intuai thar leh turin an inbuatsaih a, Real Madrid leh France midfielder Aurelien Tchouameni chu an squad thuam chak tura an duh zual zingah a tel. (El Nacional – in Catalan)
c Free transfer a Ivory Coast winger Wilfried Zaha la turin Newcastle leh West Ham te an inel fal. Kum 30 mi Saha hian nipui bazar inherchhuah rualin Crystal Palace-a a contract nei mek a hmang zo dawn. (Star Sunday)
c Newcastle hian hun rei tak chhung chu Scott McTominay an lo awt tawh bawk. Manchester United chuan Scotland midfielder manah hian a tlem berah pawh £50m zet an phut. (Star Sunday)
c Manchester United leh Chelsea ten lak an tum tih puan zar Victor Osimhen chuan a khelh mekna Napoli-ah a hlim viau niin a sawi. (France Football, via L’Equipe)
c Bayern Munich in player hrawl lei tura indonaah inrawlh an hrelh vangin Manchester United in Harry Kane lak theih an inbeisei sang leh zual. Tottenham chuan England striker Kane manah hian a tlem berah pawh £100m an chhiar dawn. (Sunday Mirror)
c Arsenal chuan Wolfsburg leh Germany full-back Ridle Baku an ngaihven a. Kum 25 mi la thei turin Chelsea leh Villarreal te nen an inchuh a ngai dawn thung. (Caught Offside)
c Leeds United boss hlui Jesse Marsch chuan hun rei tak chhung Leicester City manager nih a remti ta. Marsch hian February thla khan tun season chhung enkawl tura sawmna a lo hnar tawh a. Leeds in hun rei tak chhung enkawl tura an sawmna erawh a pawm ta thung. (Sunday Telegraph – subscription required)
c Chawlhkar liam ta khan Manchester United, Tottenham, Brighton, Leicester, West Ham leh Brentford scout te chuan Turkey midfielder Orkun Kokcu leh Mexico forward Santiago Gimenez te chu Feyenoord in Ajax an hmachhawn tuma an chetla an en thla hlawm. (Sunday Mirror)
c A club hlui Barcelona in ngaihven bawk mah se Paris St-Germain chuan Argentina striker Lionel Messi nen contract thar chungchangah an inrem theih ngei an la beisei hle. (Sport – in Spanish)
c Southampton in Premier League an khel chhunzawm thei dawn a nih chuan Cheslea manager hlui Graham Potter chuan an manager thar nih a duh. (Football Insider)
c Barcelona chu Spain midfielder Ansu Fati, Brazil winger Raphinha leh Spain forward Ferran Torres te hnenah contract thar zawrh turin an inhawng. (Sport – in Spanish)
c Aston Villa chuan nipui bazar inhawn hunah bazar chiam an tum a, bazar laia sum an sen tawh zawng zawnga an sem tam ber tum ni tura sum hlawm lian sen an tum. (Football Insider)
c Liverpool leh Chelsea te chuan Newcastle United atangin Argentina midfielder Alexis Mac Allister lak an tum dawn. (Relevo – in Spanish)
c Crystal Palace chuan Wilfried Zaha hmunruak luahtu atan Sunderland winger Jack Clarke an thlithlai. (Sun on Sunday)
c Hlawh tam zawk an pek theih dawn loh vangin Barcelona leh Ousmane Dembele te contract thar chungchanga an indawrna tihtawp a ni. (Sport – in Spanish)
c Season tawp hmaa David Moyes an ban a nih chuan West Ham chuan an manager thar atan Rafael Benitez ruat an tum. (Football Insider)
c PSG chuan Chelsea leh Morocco winger Hakim Ziyech ngaihven nawn leh an tum. (Football Insider)
c Real Madrid in an ban a nih chuan Carlo Ancelotti chu Chelsea in rawih nawn leh an tum. (ESPN)
c Paris St-Germain in kum 2024 hma zawng chu Kylian Mbappe hralh an tum lo tur tih an sawi chian tak vangin Mbappe ngaihventu Real Madrid chu hnara khawn ang hlauh an ni nawn leh. (Sport – in Spanish)
c AC Milan chuan kum 41 mi Sweden striker Zlatan Ibrahimovic hnenah contract thar zawrh an tum tawh lo. (FootMercato – in French)
c Manchester City stadium Etihad Stadium chu British & Irish in Euro 2028 thlen an tumna khelmual 10 an thlan zingah Old Trafford aiin thla a ni. (Times – subscription)
c Aston Villa chuan tunhnaia khel tha tak England striker Ollie Watkins chu contract thar chungchangah an dawr. (Mail)