C Football Association chuan Manchester City boss Pep Guardiola chu an manager thar atan an duh tih an puangchhuak ta a. Kum 53 mi hian tunkar chhungin a hma lam hun a tihchian theih beisei a ni. (Times)
C Spaniard Guardiola hian Manchester City-ah cham chhunzawm turin kum khat daih contract a ziak thut mai thei bawk. (Telegraph)
C England boss lawi lawk Lee Carsley chu a nghetin an ruai dawn lo tih FA in an hrilh. (Sun)
C Newcastle United chuan an squad thuam chak nan sum tuak belh an mamawh a. January thlaah Paraguay midfielder Miguel Almiron dwrtu an awm a nih chuan dawrna pawm turin an inbuatsaih. (Football Insider)
C Liverpool chuan Netherlands captain Virgil van Dijk hmunruak luahtu atan Sevilla defender Loic Bade an ngaih ven a. Sevilla hian kum 24 mi Bade manah 20m euros aia hniam chu pawm an tum lo bur thung. (Mundo Deportivo – in Spanish)
C Manchester United chuan Crystal Palace winger Eberechi Eze an vil uluk hle. United scout te hian England international Eze hi season liam ta pawh khan an lo thlithlai reng tawh nghe nghe. (Football Transfers)
C United chuan nipui bazar liam taah Benfica hnena an hralh tak Spain Under-21 left-back Alvaro Carreras chu lak let leh an tum dawn. (Mirror)
C Barcelona chuan nipui bazar inhawn huna contract hmang zo tur Arsenal leh Ghana midfielder Thomas Partey an ngaihven. Sum lama harsatna tawk Barca hian free transfer a lak theih tur lam an melh deuh hrim hrim ve bawk. (Goal)
C Hremna pawh tawisak a nih vangin France midfielder Paul Pogba chu March 2025-atangin kir leh thei dawn a. Mah se, Juventus tan chuan a khelh nawn leh hmel tawh loh. (Fabrizio Romano)
C Pogba hian Russian club Broke Boys FC in an sawmna a hnar. (France Football, via Mail)